قلوب حائرة الجزء التاني من عشقتك قبل رؤياك بقلم فاطمة الالفي ، الفصول الباقية فاطمة الالفي

أنا طالعه اخد الدوا
حازم بقلق تحبي اجي معاكي 
نظرت له باطمئنان أنا بخير ماتقلقش بعد اذنكم
كان ينظر لها بقلق إلى أن اختفت عن الانظار ربت حازم على كتفه 
إن شاء خير يا ياسين 
حازم بجديه لا اوعى معلش اصبر شويا لم نشوف الايام الجايه مش يمكن تفتكر لوحدها بدون مساعده حد
يا رب 
عندما صعدت لغرفتها لتتناول دوائها من أجل إخماد ذلك الصداع الذى يكاد أن يفتق برأسها .
تذكرت بعض ملامح الوجوه ولكن الرؤيه مشوشه لديها تنهدت بضيق وتناولت اقراص المسكن وجلست أعلى الفراش تضع رأسها داخل كفيها بتعب .
صدح رنين هاتفها معلن عن اتصال صديقتها 
اجابتها بوهن الو ايوه يا ريم
على الجانب الآخر كانت تتحدث وهى مازلت نائمه بالفراش تشعر بالتعب والارهاق بسبب الحمل. 
ايوه ياقلبي عامله ايه النهارده
حبيبه بتنهيده عندى صداع هيفرتك دماغي بحاول افتكر ملامح بتيجى فى خيالي بس مش قادره 
ريم بقلق بلاش تتعبي نفسك وتضغطي على اعصابك اكتر من كده انتى ناسيه يا حبيبه احنا دراسين ايه ماتخديش نفسك قفش كده واحده واحده ياقلبي والذاكرة هترجعلك بلاش انتى تفكري ريحي دماغك 
حبيبه بحزن انتي عارفه يعنى ايه سنه كامله تكون واقعه كده من ذاكرتك ومش متذكره ايه اللى حصلك فيها صعب يا ريم بجد صعب أنا ماليش غيرك ممكن تحكيلي حصل ايه فى السنه دي 
ريم بتوتر أنا تعبانه دلوقتي ايه رايك تبقى تعدي عليا لم تتحسني 
حبيبه بقلق مالك يابنتي الف سلامه عليكي
ريم الحمل بقى وتعبه انتى عارفه أنا فى أول الشهر التالت ومرهقه جدا 
حبيبه بسعاده بجد الف مبروك شوفتي حتى انتى اتجوزتي وحامل وانا مش فاكره حاجه 
ريم بقلق خلاص لم تيجي هحكيلك قصه حبي مع عمار وازاى اتجوزنا بس انا فى شقتي مش عند ماما هبعتلك العنوان ماسج تمام 
تنهدت بضيق تمام خلى بالك من نفسك
ريم وانتى كمان يابيبة خلي بالك من نفسك وصحتك وبلاش تجهدي دماغك يابنتي 
حبيبه ربنا يسهل سلام 
أغلقت الهاتف مع صديقتها وهى تزفر بضيق وتحدث نفسها 
ايه اللى بيحصلي بالظبط وليه ماحدش عايز يعرفني حصل ايه فى السنه دي وليه كل اللى حواليا متغيرين واولهم يوسف وفيري بقت تبتسم
فى وشي دي عمرها ما حصلت وليه بقيت شايفه يوسف عادى زي ابيه وانا كنت بحبه ومتعلقه بيه ايه اللى اتغير بس نفسي افهم حتى مازعلتش أن فى حد فى حياته غيره يعنى بيحب وانا مش اضايقت يوووه بجد دماغي مش متحمله 
طرقت الباب عده مرات ودلفت بهدوء 
عامله ايه يا حبيبتي حازم قال انك تعبانه 
نظرت لها بدهشه لا يا طنط أنا تمام شويا صداع بس 
جلست جانبها أعلى الفراش وهى تنظر لها وتحدثها بحب على غير العاده 
عارفه انك مستغربه انا ليه بقيت كده معاكي عشان بجد بحبك وخۏفت عليكي وقت الحاډثه والحمد لله انتى دلوقتي رجعتي لوسطنا من تاني عارفه مين سبب تغير يوسف للأفضل 
نظرت لها باهتمام مين 
فريال بابتسامه انتي يا حبيبه مافيش غيرك يوسف طول عمره يحبك وانتى كمان كان روحكم فى بعض وقبل الحاډثه كنتو متفقين على الجواز 
حبيبه پصدمه جواز أنا ويوسف 
فريال بكدب ايوه يا بنتي ومحدش قدر يغيره غيرك انتى وقفته جنبه كتير وساعدتيه أن يبعد عن صحابه وبطل سهر وشرب عشانك وكمان نزل الشركه عشان يرضيكي هو بيحبك اوى ومستعد يعمل اي حاجه عشانك هو مش عايز يضغط عليكي فى حاجه عشان انتى لسه تعبانه 
حبيبه بعدم تصديق أنا مابقتش فاهمه حاجه
فريال بمكر بلاش تشغلي بالك دلوقتي بس لازم تحسسي يوسف انك لسه بتحبيه اوعى تكسري قلبه ده ياقلبي هيتجنن عشان انتى مش فاكره حاجه بس انتى كلميه وخليكي جنبه احسن حد ياخده منك وترجعي ټندمي أنا عليه قولتلك وانتى حره بقى فى قلبك 
همت لتغادر الغرفه ولكن استوقفتها حبيبه بتسأل بس حضرتك عمرك ماتقبلتيني فى العيله وكنتي دايما بتبعديني عن أبيه حازم ويوسف كمان وكنتى رفضاني مش عايزه يوسف يفكر مجرد تفكير فى الارتباط مني ايه الجديد صعبت عليكي مثلا بعد الحاډثه ولا ايه بالظبط مش فاهمه حقي افهم 
فريال بجديه عشان ابني مايضعش مني وانا كده بعمل لمصلحته وعشان كده قبلت بيكي 
غادرت الغرفه على الفور ووقفت أمام الباب تتنهد الصعداء وتحدث نفسها بانتصار 
انا كده صح حبيبه ارحم بكتير من اللى اسمها فرح لا يمكن أقبل أن ابني يرمي نفسه لكلام فارغ واحفادي يبقوا زي خالتهم مش هقبل بكده طول ماانا عايشه ..

داخل النادي كان ينتظر قدومها بفارغ الصبر يقف يتطلع للفتايات يتفقده وجودها زفرا بضيق عندما لم يجدها بدأ فى تدريبه بخيبه امل من عدم حضورها .
ولكن عندما دلفت علت الابتسامه ثغره وعاد الامل من جديد داخله. 
مرت ساعات التدريب وهى مازالت تتجاهله وتتعامل معه بحدود عندما أنهى تدريبه اقترب منها بهدوء 
انسه ملاك عايز اتكلم معاكي من فضلك 
تسمرت مكانها پصدمه وغادرت جميع الفتايات نظرت له پحده 
افندم 
هشام بهدوء انتي ليه متعمده تتجاهلني رغم أن حاولت اكتر من مره اكلمك واحاول اصلح موقفي بس انتى رفضتي التدخل 
والحقيقه أنا شايف أن انسان زى ده مايستهلكيش اللى يشك فيكى لحظه واحده يبقى مايستهلش اسمك يرتبط باسمه 
نظرت له بانفعال أولا أنا مااسمحلكش تتكلم عن ابن عمي بالشكل ده وبأي حق اصلا 
قضم على شفتيه بغيظ طب ممكن تهدى ونقعد نتكلم بهدوء ونشرب حاجه 
ملاك پصدمه نعم ليه بقى إن شاء الله هو حضرتك فاكرني ايه 
همت بمغادره المكان بعصبية ولكن امسك بيدها يمنعها من الذهاب نظرت له بضيق ولكن بادلها هو بنظره اعجاب وحدثها وهو ينظر لحدقيتها السوداء بابتسامه جذابه 
انا شايفك احسن بنوته فى الدنيا ادب واخلاق وجمال ورقه مافيش بعد كده بصراحه 
جحظت عيناها پصدمه ورمقته بغيظ من فضلك سيب ايدي اللى انت بتعمله ده غلط 
هشام بثقه ترك يدها برفق طب ممكن رقم والدك
وانت هتعمل ايه برقم والدي 
هشام بابتسامه هعمل كتير اولا هشتكيكي ليه ثانيا خليها مفاجاه 
نظرت له باسي وتركته وغادرت النادي بأكمله 
تنهد هو بارتياح عادى مش هغلب أنا هعرف اجيبه ازاى يا ام عيون دباحه انتي 
الفصل الخامس والثلاثون
قلوب حائره
بقلم فاطمه الالفي
داخل فيلا الشامي..
التف الجميع حول مائدة الطعام لتناول الغداءبرفقه ياسين الذى لم يغفل عن زوجته كان يتطلع إليه بحب وهى غير مدركه لتلك العينان التى تتابعها بشغف .
شعر هو بحيرتها ولكن لم يعلم ما الذي تفكر به الآن .
كانت تصوب انظارها
على ابن عمها تحاول فهم اى شئ عن حديث والدته وشردت بحديث يوسف عن سبب تبدل حاله ورأت الفرحه داخل عيناه وعلمت أنه عاشق دون أن يخبرها فرأت السعاده وهو يتحدث عن تلك الفتاه واراد أن يخبرها بمن تكون ولكن وجود صديق حازم قطع حديثهم تنهدت بضيق وظلت تعبث بصحنها.
ربتت انجي على كفها وهى تبتسم لها حبيبه مابتكاليش ليه 
ابتسمت بود ونظرت لصحنها لا باكل اهو 
تحدثت الصغيره پغضب وهى تزم شفتيها زعلانه منك يا بيبه
عندما أتاها صوت الصغيره التى تجلس جانبها رفعت اناملها برفق ومسدت على ظهر الصغيره بحنان وهى تحدثها بهمس يا قلبي انا زعلانه مني فى ايه 
مليكه بحزن بطلتي تلعبي معايا وكمان مابتجيش معايا تدريب السباحه ازعل ولا ماازعلش
ضحك الجميع على تلك الشقيه الصغيره .
حدثتها بابتسامه رقيقه أنا اسفه ياقلبي أنا والله والله ڠصب عني 
انجى بجديه حبيبتي عمتو كانت تعبانه ولسه مرهقه شويا ماينفعش تجهديها ولا تزعلي منها
مليكه بحزن اقترب لتقبل وجنتها الف سلامه يا بيبه خلاص مش زعلانه منك بس توعديني تسبحي معايا وتشجعيني
رفعت حبيبه عيناها پصدمه وهى تنظر الصغيره أسبح معاكي فين اوعي تقولي فى النادي 
كان الجميع يتابع الحوار الذى يدور بينهم بصمت تام ولكن على وجوههم ترتسم الابتسامه .
مليكه بنفي لا هنا فى البسين عشان بتاع النادي لكل الناس لكن هنا بتاعنا احنا وبس 
هزت راسها بابتسامه ونظرت لحازم طب هى عايزه تبقي بطله سباحه أنا ذنبي ايه 
يعلم الجميع خوف حبيبه من السباحه قرر حازم مشاكستها
وغمز لها بانتصار اهي عندك اهى اقنعيها بسبب رفضك 
تدخل يوسف أيضا بالحوار بس خدي بالك مليكه معاها المركز الثاني فى السباحه ومحتاجة مشجع اوى زيك كده
رمقتهم بغيظ فاقترب يوسف من أذن الصغيره وحدثها بعض الكلمات بصوت غير مسموع ثم ابتعد عنها 
وقفت الصغيره أعلى مقعدها وصفقت بيدها لينظر لها الجميع 
نعمل مسابقه أنا وبيبه مين بيعرف يسبح ويفوز بالمركز الأول
نظر الجميع لحبيبه يترقبو رده فعلها ..
شردت قليلا ونظرت لمليكه بحب فلم تريد احباطها وهى دائما كانت المشجعه لها على ممارسه السباحه فليس من المنطق أن تخبرها أنها تخشى السباحه .
أفاقت من شرودها على هزه خفيفه بيدها الصغيره 
مليكه بيبه هتشجعيني صح 
حبيبه بابتسامه اكيد يا لوكا أنا دايما معاكي بس انتى بطله فى السباحه وطبيعي ياقلبي تفوزى فى السباق انا عايزاكي تدربي كويس عشان تبقى بطله العالم فى السباحه اتفقنا
رفعت كفها الرقيق لتصفق بكف حبيبه بحماس شور 
نظرت حبيبه لعمها عمو بعد اذنك كنت عايزه اروح لريم محتاجه اقعد معاها 
عبدالرحمن بابتسامه طبعا ياقلب عمو حد من اخواتك يوصلك
تبادل النظرات بينهم فأسرع يوسف برفع يده 
أنا عندي تجهيزات كتير فى مشروع الكومباوند 
تحدث ياسين بلباقه أنا ممكن اوصلها فى طريقي ده بعد اذن حضرتك طبعا يا عمي 
عبدالرحمن اكيد يابني ماعنديش مانع انت مش غريب واحد مننا
نظرت بدورها لحازم الذى علم مايدور داخلها أجابها باطمئنان وهو يربت على كتف ياسين ياسين ده زيي بالظبط يا بيبو وانتي معاه فى امان ياقلبي 
همس له بغيظ ۏجع قلبك دي تبعي
ابتسم حازم ونظر له بتحذير تحب اغير رائي فيك فى ثانيه ها 
ضغط على انيابه بشده الصبر يا رب 
تحدثت باحراج بس ماكنتش عايزه اعطل حضرتك 
نهض ياسين بسعاده من مجلسه حضرتي تحت امرك يلا بينا 
ودعت الجميع وسارت جانبه بخطوات ثابتة إلى أن وصلا إلى مكان سيارته فتح لها الباب برقه 
اتفضلي 
استقلت السياره بالمقعد المجاور له وهى تبتسم له بود شكرا 
قاد سيارته وانطلق فى طريقه لمنزل عمار وريم ..
كانت تشعر بالاحراج بوجودها بقربه وفضلت الصمت وهى تتابع الطريق وتسلط انظارها عبر النافذه تتطلع للخارج .
كان ينظر لها خلسه تفاجى بعدم وضعها لحزام الامان فصفا سيارته جانبا ونظر لها بانفعال 
مېت مره اقولك اول ماتركبي العربيه تربطي حزام الامان ممكن اعرف ليه دايما بتنسي حاجه مهمه زي كده ليه الطريق مش امان
كان يتحدث پخوف وقلق وهو يتذكر الحاډث الذي تعرض له من قبل .
نظرت له پصدمه وحدثته بتسأل قولت ايه 
قضم على شفتيه ورسم الجديه 
بقولك سرحانه فى ايه ممكن تربطي حزام الامان 
علمت أنها تتوهم ولكن هي تعلم تلك النبره الحانيه من قبل داهمتها افكار عده ووجوه مشوشه
ونظرت له بتوهان .
علم أنها تائهه تشعر
بالتخبط ولكن يخشي مصارحتها فهو ېخاف عليها وبدل من تحسن حالتها يسوء وضعها لذلك ابتعد عنها وصوب انظاره لطريق امامه وحدث نفسه
صدح رنين هاتفها فجأه وعندما اخرجته نظرت لشاشته بدهشه ثم هتفت بصوت خاڤت 
مين شروق