عشق الزين بقلم زيزي محمد

اتحرك بيها ووصلت شقتهم .
سارة الله يخربيتك يامراد هاتجننى.
سارة مامااااا انتى فين.
والدة سارة سارة ! انتى جيتى مسافرتيش.
سارة امممم لا الصراحه قلبى واجعنى عليكى.. قولت ازاى يابت يا سارة تسيبى امك حبيبتك لوحدها وتسافرى. رجعت تانى.. وقولت حرام اضيع سنه دراسه كامله من عمرى علشان شويه خنقه.
والدة سارة والله انك مجنونه..وقولت لابوكى بلاش تسمع كلامها قالى لا البت مخنوقه... هاتقولى ايه لابوكى بقا.
سارة بخبث مانا مش هاقوله انتى اللى هاتقوليلو انك منعتينى اسافر خاېفه تقعدى لوحدك وهو يسكت علشان خاطرك.
والدة سارة بت يا سارة انتى مخبيه عنى حاجة.
سارة انا فين دة.. بقولك رجعت علشانك... تقوليلى مخبيه عنك حاجة.. اوعى ياماما خلينى انام.
فى بيت الجارحى
زين اوعى انا مش بكلمك. 
زين حبيبتى اهدى بقا علشان انا زعلى وحش... وبعدين انا مش عاوز منك حاجة انا عاوز اخدك فى حضنى وانام.
بس انا مخصماك.
زين عادى... المهم انام انا متعودتش انك متنميش فى حضنى نااامى بقا.
زين.
زين عيونه.
حضنته هى كمان انا بحبك اوى.... متزعلش منى 
زين وانا بعشقك ياررررروح زين... وعمرى ما ازعل منك
عند سارة
سارة قاعدة على سريرها مصدومه من جنون مراد وعماله تقرى فى المسج 
مراد ردى عليا علشان انا مچنون وهالبس واجيلك ردى اخلصى... عاوز اقولك حاجة مهمه.
سارة فى سرها يخربيتك انا وقعت فيك ازاى.. باين عليه اهبل... يالهوى بيرن تانى.. لا انا ارد احسن.
سارة الو..... عاوز ايه 
مراد بعد كدة لما اتصل بيكى ردى على طول... علشان معملش حاجة تندمى عليها.
سارة بطل تهديداتك دى... وقول ايه هى الحاجة المهمه.
مراد ارغى.
سارة نعم ! انتى اللى ترغى مش انا.
مراد تؤتؤ ارغى انتى فى اى حاجة.. انا مش عارف انام.
سارة بعصبيه مكتومه والله انك بارد.. بقى دى الحاجة المهمه... انا هاقفل سلام.
مراد طيب اقفلى كدة... وربنا هاجى واصحى امك وتبقى ليليه سودة بقا.
سارة بتنهيدة عاوز ايه يا مراد.
مراد احكيلى حدوته.
سارة هو انت عندك طفوله متأخرة
مراد اه.. احكى بقى اى حاجة.
سارة اتنهدت جامد وشتمته بصوت واطى .
مراد دة اخرك فى الشتايم دة انا عندى قاموس
ممكن اقولهولك دلوقتى عادى.
سارة اسكت هاحكيلك خلينى اخلص منك ومن زنك.
مراد امممم احكى..
سارة كان يامكان كان فى زمان ولد شقى جدا وقليل الادب.
مراد اه واسمه مراد صح. 
سارة ههه اه المهم مراد دة قليل الادب مبيسمعش كلام حد وساڤل وبتاع مصايب وكان عايش لوحدة كان فى قطه جميله وهاديه ولذيذة وعسووله.
مراد اه عرفتها القطه دى... بس مش هاديه دى شرسه.
سارة اسكت خلينى اكمل.. المهم القطه دى كانت بتروح تلعب معاه وهو كان رخم وبيقعد يدايقها ويضربها.
مراد ماهو باسها وصالحها خلاص بقا.
سارة بتحذير مرررررررررراد.
مراد سكت.. كملى.
سارة القطه بعد ماكانت هاديه وجميله بقت شرسه علشان تعرف تضربه وتخربشه... جة فى يوم مراد الۏحش قالها امشى ابعدى عنى انا عاوز اعيش لوحدى مش عاوزك.. هى قعدت ټعيط وتقوله حرام عليك انا ماليش بيت عاوزة ابقا معاك... هو قالها لا امشى انا مبسوط كدة... القطه زعلت ومشيت حزينه وقعدت ټعيط.
مراد وهى بټعيط ليه.. هى بتحبه.
سارة كانت.. بس خلاص قررت تمشى وتدور على حد تانى تلعب معاه وتحبه وتعيش حياتها. 
مراد طيب ومراد هاتسيبه لوحدة.
سارة مش هو اللى قالها تمشى... يتحمل بقى. 
مراد بس هو كان غبى يمكن قالها فى عز غضبه.
سارة اوقات الانسان بيقول اللى جواة فى عز غضبه وبيبقا حقيقه.
مراد لا بس هى المفروض تفضل جنبه وتستحمله لغايه مايعدى الفترة دى ويفتح قلبه.
سارة بخبث يفتح قلبه لمين 
مراد ههههه للقطه ههههههههه.
سارة ابتسمت الحدوته خلصت.. روح نام بقا ومتاخدش على كدة كتير.
مراد لا هاخد... سلاموز 
سارة بيئه.
مراد اصمالله عليكى ياختى... باى 
سارة ابتسمت باى... مراد 
مراد امممممم
سارة هو ليه مراد الصغير عاوز القطه تفضل جنبه اذا كان هو مبيحبهاش.
مراد عمرة مايطلب منها انها تفضل جنبه وهو مبيحبهاش.
سارة ياعنى هو بيحبها.
مراد هى مين دى 
سارة القطه هههه 
مراد انتى شايفه ايه !
سارة امممم شايفه انك تقوم تنام.. تصبح على خير.
مراد بخفوت وانتى من اهلى.
مراد قفل وسارة قعدت تنطط من الفرحه.. 
سارة لنفسها لا بس اتقلى يا سارة... اتقلى واركزى كدة 
صباحا 
فى بيت الجارحى
انا مبسوطه انك مسافرتيش... كويس انك فكرتى صح.
سارة حبيبتى يا ليليو.. مقدرتش ابعدك عنك والله.
بخبث هههههه عنى بردوا ولا عن مراد.
سارة عنكوا كلكو هههههههههههه بس بقى بتكثف.
كويس انك جيتلى.. كنت عاوزة اقعد معاكى حتى قولت لزين نيجى ونزوركوا بس قالى مراد فى شغله استلمه انهاردة.
سارة اه فعلا راح شغله.. تتعوض مرة تانيه.. انا لما عرفت انك عاوزنى جيت على طول.
ربنا يخليكى ليا ياسارة.
سارة ويخليكى ليا انتى كمان.. ها قوليلى مالك عينك فيها كلام كتير.
دة حقيقى فعلا... سارة انا هاسألك تانى علاقتى بزين كانت عامله ازاى قبل ما افقد الذاكرة.
سارة زى ما قولتلك اتنين متجوزين بيحبوا بعض.. فى ايه بقى.
فى ان زين غريب غامض مبفهموش اوقات بفهم من نظراته انه عاوزنى..وفى نفس اللحظه بيبعد تانى.. فى ان بيتحكم فى نفسه معايا بدرجه رهيبه... فى ان دولابى مفيهوش اى لبس واحدة متجوزة... فى ان علاقتنا اصلا متوحيش اننا متجوزين.. انا مبقتش فاهمه حاجة..والغريب انى لما سألته قالى ان فعلا فيه فتور فى علاقتنا مفهمتش سألته ليه مردش وسكت.
سارة بصى حكايه اللبس اللى فى دولابك دة علشان انتى لما جيتى مع عم حسن زين حبك واتجوزك بسرعه ومفيش وقت لسه بتاخدو فيه على بعض روحتى واقعه وفقدتى الذاكرة..انتى تقدرى تقربى منك زين.... بس على فكرة هو كدة متغيريش متهايلى طبعه كدة كنتى بتحكى عنه انه متفهميش هو بيفكر فى ايه...امال هو غول المعمار ليه.. يا ياحبيبتى كل اللى عاوزة اقولهولك ان زين شاب مشاء الله غنى مت ووسيم جدا وشغله مليان بنات حلوة وبنات رجال اعمال واكيد عنيهم عليه بس. الحق يقال انه شخص محترم مالوش فى السكه دى وعلى فكرة هو بيحبك جدا كفايه اوى انه مبيتكسفش انه يبين حبه ليكى بالعكس بيظهرة وهو مبسوط... لازم تفكرى تجذبيه ناحيتك تانى.
طيب ازاى انا حاسه انى ميح معرفش حاجة. 
سارة بتفكير هاقولك اعملى حاجة جديدة... مثلا انتى بتعرفى ترقصى.
معرفش.... مش فاكرة اذا كنت بعرف ولا لاه.
سارة لا قومى ارقصى... استغنى هاشغلك اغنيه. 
اتكسفت الاول وبعدين رقصت وكان رقصها جميل وسارة كانت مبهورة بيها .
سارة يابنت اللذينة... انتى طلعتى رهيبه..لا دا انا هاتعلم منك.
طيب ادينى رقصت قولى هاعمل ايه .
سارة هاترقصى لزين.
يانهار اسود... لاااااا اهدى والنبى ارقص ايه دا انا بتكسف منه تقولى ارقص.
سارة اه ترقصى وكمان تلبسى بدله رقص. 
يانهار اسود يا سارة البس ايه.
سارة امال ترقصى بالبجامه بتاعت ميكى دى.. اسمعى كلامى.
مفيش حل غير دة.
سارة اه في هاتى ودنك وانا اقولك.
قربت منها ها قولى.... اه يا قليله الادب لا الرقص احسن 
سارة مش قولتلك... المهم لازم ننزل نشترى بدله حلوة كدة..اتصلى على زين يالا.
طيب اقوله ايه.
سارة قوليله انا عاوزة انزل اشترى شويه حاجات من المول وسارة هاتكون معايا.
ماااشى يارب يوافق.
فى شركه الجارحى
زين تمام الاوراق دى وديها الحسابات.
سهيله تمام يافندم.
زين بلغى الناس اللى شغاله فى غرف التحكم بتاعت الكاميرات فى اجتماع بعد ساعه.
سهيله بتوتر تمام يافندم.. بقيه الورق حضرتك تمضيه 
تليفون زين رن وكانت واتعمد يرد قدام سهيله 
زين الوو.
ايوا يا زين.
زين ايه ياحبيبتى خير.
كل خير.. انا كنت عاوزة اخرج مع سارة نروح المول نشترى شويه حاجات.
زين لا
بصدممه ايه لا على طول كدة يا زين.
زين اممممم... انا مش فاضى يا لى لى لما اروح نتكلم فى الموضوع دة.. سلام.
سلام 
زين خلص ورفع وشه لقى سهيله مركزة معاه جدا بصلها بحدة وشاورلها تاخد الورق وتمشى .
زين لنفسه مانشوف استاذ مراد فين.
مراد الو يابرنس.
زين برنس ايه يابنى... ارتقى بقا.
مراد انا وقح وعارف نفسى.. عاوز ايه.
زين انت فين مجتش الشركه ليه !
مراد مش جاى.... ورايا مشوار.
زين مشوار ايه 
مراد هاقولك علشان الفضول هايموتك... رايح المول اشتررى هديه لبنت اللواء معانا فى الجهاز.
زين وانت مالك ببنت اللواء هو انت مش عاتق يخربيتك.
مراد ههههههه لا والله برئ بس راجل عزمنى واصر وبنته كانت معاه واصرت عليا فقولت اروح علشان الاحراج وانت عارف انا بؤحرج ههههه.
زين هههههه انت هاتقولى.. على فكرة سارة عندى فى البيت.
مراد بضيق امممم ومش قولتلى من بدرى ليه.
زين حضرتك مبتردش عليا من الصبح...وكنت واقع فى مصېبه والصراحه هى اتصرفت.
مراد مصېبه ايه !.
زين كانت راكبه دماغها وراسها والف سيف تيجى تزورك انت وسارة فى البيت.. واتصلت بيك مردتش اتصلت بيها واتفقت معاها انك رايح تستلم شغلك وهى هاتيجى هى وجت وزمانها معاها.
مراد تصدق انك مش تمام...فيها ايه ماكنتوا تيجوا عندى ونمثل.... هههههه انا حبيت التمثليه دى اوى.
زين طيب خد خطوة وخليها جد وحقيقى.
مراد مش وقته يا زين.. اسيبك انا سلام 
زين سلام 
عند سارة و 
قولتلك مش هايوافق.
سارة يالهوى طب ادلعى اعملى
اى حاجة تخليه يوافق.
مش زين اللى كدة.
سارة طيب والعمل 
مش عارفه... طب ماتفكرى فى حاجة بس تكون مؤدبه.
سارة قامت وقفت لا انا هاروح انا المول واشتريها انا اعرف كام محل تحفه هناك.
طيب مش هاتتكسفى !
سارة عادى.. المحلات دى مفيهاش رجاله.. وبعدين كلها بنات.... المهم اطلعى انتى اتظبطى كدة وروشنى كدة لغايه ما اجيلك مع انك مش محتاجه مشاء الله.
ماااااشى 
فى المول 
سارة ماشيه بتدور على محل تشترى منه واخيرا لقته وهى داخله مراد لمحها وشافها واستغرب هى بتعمل ايه مع ان زين قاله انها فى البيت عندة وداخله محل زى دة ليه راح وراها يقفشها .
سارة بتكلم على التليفون 
سارة بزهق يوووووووة خلصى بقا يا انا زهقت.
بحيرة منا معرفش يا سارة... طب اقولك هو مفيش حاجة محترمه عن اللى انتى مصوراهم دول 
سارة بصوت واطى انت هاتستعبطى ياعنى بدل رقص عاوزهم يكونوا بايه بطرحه.
طيب الحمرا ولا الاسود.
سارة معرفش... هو انا اللى هالبسهم.
هو انت مش بتساعدينى ليه..اعملى حاجة بدام انتى مخنوقه عليا كدة. 
سارة علشان قولتلك نتزفت وننزل ونقى مع بعض.
طيب اعمل ايه في زين مرضيش واتكسفت اقوله... انا اصلا مش عارفه هالبسها ازاى.
سارة لا انتى هاتلبسى ابوها.... ركزى بس معايا انا شايفه الحمرا تحفه.. شخلعه على الاخر ههههههههه.
امممم هى حلوة اوى بس هاتبقا احلى لو نقيتى لون غير الاحمر.
سارة اټصدمت ولفت لقت مراد واقف. وراها ومبتسم وبيغمزلها.
مراد خدى الاسود يا سوسو هاتبقا جامدة.... وانا هاتبسط مووووتعشق الزين 
الجزء 20
سارة لما شافت مراد اټصدمت وقفلت السكه فى وش .
سارة انت بتعمل ايه