انتصار قلب بقلم ايمان الصياد

بتهز راسها بالنفى لا انا مستحيل أكل مكرونه أبداا أبدااا
سلمى خلاص براحتك بقا
ملك قربت منها وهى بتقولها هو انتى زعلتى منى
سلمى هزت رأسها بأه
وملك ابتسمت وقالت خلاص أنا هاكل المكرونه وأمرى لله
سلمى ابتسمت وبدءو يحضرو الأكل مع بعض وهما ف كامل سعادتهم
ساره ومعتصم وريهام قاعدين جنب بعض ف المدرج
وساره بتتكلم بتريقه حضرته اتأخر عن معاد المحاضره ربع ساعه مين بقا هيحاسبه ع التأخير دا
معتصم عارف هى قصدها ايه وبعد مواجه امبارح وهما بيهربو من نظرات بعض 
ريهام هى ال اتدخلت وقالت بضحك يابنتى دا هو الدكتور وبعدين بلاش العداء دا بينك وبينه دا احنا لسه ف أول السنه

ساره مش بخلق عداوه لكن هو امبارح ماقدرش سبب تأخيرنا فاليه احنا نقدر سبب تآخيره !
قبل ريهام ماترد كان مروان داخل وهو ف كامل شياكته واناقته بص للكل وعيونه جات تلقائي ف عيون ساره...
خلع نظارته وهو بيشاور عليها تقف ووقفت فعلا ومن غير كلام شاورلها ع الباب !!
بس ساره ماخرجتش وفاجأته بردها
ساره بثقه حضرتك انا ماعملتش حاجه علشان آخرج
مروان بس انا قلت إمبارح ان محدش بيدخل بعدى وقلتلك كمان إنك ماتحضرليش محاضره لآخر السنه
ساره ابتسمت ووضحت حضرتك قلت إمبارح ان محدش بيدخل بعدك لكن النهارده حضرتك ال متأخر بصيت ف ساعتها وكملت ثلث ساعه تأخير ! وانا جيت زى باقى زمايلى ف ميعادى
مروان اتنرفز من طريقتها وتحديها معاه ف الكلام
شاورلها تقعد بس هو عارف كويس هاينتقم منها ازاى وأكيد أكتر وأكبر طريقه بتكون عن طريق القلب
خلصت المحاضره ومروان بيخطف نظرات ل ساره وساره نفسها بتبص عليه من حين لآخر ونفسها لو كل دا محصلش اكيد كانت معاملتهم هاتكون غير كدا
قبل ساره ماتخرج كان مروان موقفها وفعلا صدمها بجملته لأنها ماتوقعتهاش
مروان تقدرى تروحى المستشفى النهارده مع زمايلك
معتصم وريهام بصو لبعض وساره ماتكلمتش يادوب هزت راسها بالموافقه وخرجت من المدرج!!
ريهام والله مش مصدقه انه قالك تيجى التدريب معانا
معتصم أنا مش مرتاح والا مطمن
ساره دورت وشها ويادوب هاترد ع أخوها لقت مروان عينه عليها وأول مابصتله ابتسملها
عقلها وقف مره واحده وماكنتش عارفه تفكر ازاى وأيه هو الصح وأيه هو الغلط ماهو مش من يوم وليله كدا هايتغير فحين انه طاردها من أول محاضره بسبب تأخيرها
نفت انه يكون بيدبرلها لحاجه لأنه دكتور جامعه وكدا لكن ما مايمنعش انها بردو قلقانه من التحول دا ...
ريهام خبطت كتفها وغمزتلها هى الصناره غمزت والا أيه
معتصم بضيق هى لسه هاتغمز دى خلاص هاطلع السمكه أهى...
ساره باصت لأخوها بإستغراب من مهاجمته عليها وريهام بصتلهم بعدم فهم واتكلمت هو فيه حاجه انا ماعرفهاش والا ايه
معتصم ف واحده غبيه عاوزه تدمر نفسها بإيدها
ساره دموعها لمعت وريهام واقفه بينهم تايه هما أه صحاب لكن ساره دايما منطويه مش زى ريهام ف التعامل يعنى مش كل أسرارها تحكيها ف حاجات أستوب عندها كرامتها دايما مرفوعه وبتعتبر إنها طول ماسرها معاها مستحيل حد يكسرها لكن حبها ل ريهام دا شىء أساسى ومفروغ منه ....
ريهام حست إنها بتطفل عليهم ف وقفتهم دى فاستأذنت وماشيه لكن معتصم وقفها
انتى رايحه فين مش المفروض اننا هانروح المستشفى سوا!
ريهام پخنقه لا معلش روحو انتو وانا ماتشغلوش بالكو بيا....
معتصم وساره كان دورهم ف الاستغراب والدهشه من معامله ريهام ال اتقلبت ف لحظه
ومعتصم ال بدأ ف
ايه ولو سمحتى توضحى علطول لأننا مش لسه هانعرف بعض!!
ريهام أخدت نفس وبصت لساره واتكلمت المشكله ف ساره مش فيا ي معتصم ساره بقالنا سنين مع بعض ولليوم حابسه نفسها مع نفسها يمكن هى مش بتثق ف حد بسرعه لكن إحنا بقالنا سنين مش سنه والا اتنين...ومع ذالك بتخبى عليا انا... يمكن لو اعرف انها بتعرف حد تانى او ليها اصدقاء كنت قلت انها بتحكيله أو اى حاجه لكن متأكده انها عايشه وحيده ومع ذالك عايشه مع نفسها وبس
ساره اخيرا اتكلمت ع فكره انا مش فاهمه حاجه وأيه حصل لدى كله
ريهام ابتسمت بحزن مشكلتك انك فاكره انك بتعرفى تدارى لكن للأسف مابتعرفيش وزى مامعتصم عارف انا كمان عارفه لكن كنت أحب اسمع منك انتى....
ساره قعدت ع مقعد وبدأت دموعها تنزل واتكلمت بۏجع
ساره انتى بتلومينى ومعتصم بيلومنى بتلومونى ليه انا ماعرفش
بتلومونى ع شخص حبيته من أول لحظه واللحظه ال بعدها عرفت عنه كل حاجه بصت لمعتصم أيوه عارفه كل حاجه انا مش ساذجه والا هبله ي معتصم عارفه انه بيشرب وعارفه انه بتاع بنات وعارفه أنه بيعمل كل حاجه بس بحبه برضو بحبه برغم كل ال عرفته لسه بحبه وانا عارفه ومتأكده انه مش هايحبنى لانه مش بتاع حب !!
وانتى بصت ل ريهام كنتى عوزانى اجى أقولك بحب دكتور مروان وانا ال دايما بنصح معتصم انه مايكملش مع نغم لأنها واحده مش كويسه بتلومونى ع انى ماقدرتش اواجهكم طيب اواجهكم اذاى وانا أصلا مش عارفه اواجه نفسىماتلومنيش لأنى انا بلوم نفسى طول الوقت....
ريهام قعدت جنبها ودموعها هى كمان نزلت لأنها ماتوقعتش أبدا أن ساره تكون تايهه وموجوعه كداا
ساره ماتستسلميش لقلبك وتخليه يضعفك بالطريقه دى مروان الكل عارفه من الحكاوى ال بنسمعها كل يوم
ساره بدموع ريهام افهمى انا بحب دكتور مروان
ف اللحظه دى مروان وقف مصډوم هو ال سمعه دا حقيقه والا تهيؤات هى فعلا بتعترف بحبه والا دا مجرد كلام بس لو كلام مستحيل يطلع بالطريقه دى
نزل نظارته ع عيونه وكمل طريقه والجمله الاخيره والوحيده ال سمعها بتتردد ف عقله طول الوقت!!
ساره وريهام ومعتصم مشيو ع المستشفى يشوفو النظام ايه وتدريبهم هايكون ازاى 
قصص_وروايات_بقلم_ايمان_الصياد 
الساعه تسعه بالضبط كان مروان ف البيت دخل كانت سلمى قاعده ومنتظراه هى وملك ال رفضت تنام قبل ماتشوف مروان ..
ملك جريت عليه وهو استقبلها زى ماهما متعودين وحشتينى ي شقيه
ملك وانت ي روميو
سلمى ابتسمت وحبت علاقتهم جدااا
مروان لسلمى طبعا زهقتك وغلبتك طول اليوم
سلمى هزت راسها بلأ وكملت بالعكس دى شطوره جدا وبتسمع الكلام
قاطعتها ملك وكملت واكلت مكرونه كمان ي مروان
مروان بدهشه ازاى دى مستحيل توافق تاكولها
سلمى بإبتسامه لا دى قدرات حضرتك بقا
مروان طيب مافيش طبق مكرونه للغلبان ال هو أنا
سلمى ابتسمت وهى بتقول حاضر لحظه واحده بس...
وقبل ماتمشى كان مروان واقف قصادها وبقول ع فكره لو مش حابه لآن دا مش تخصصك انا ماعنديش مانع
سلمى نفت كلامه ووضحت لا عادى حضرتك انا ماعنديش مشكله وبعدين دا طبق مكرونه يعنى
مروان قعد مع ملك واتصل بمراد
مراد بعتاب لملك وهو بيكلمها بقى كدا لوكا حبيبه بابا تنساه طول اليوم
ملك بطفوليه لا ي بابا روميو هو ال كان بره طول اليوم
مراد بره ازاى هو ماكنش معاكى أمال انتى كنتى مع مين
ملك لا انا كنت مع سلمى
مراد بعصبيه خفيفه ادينى مروان ي ملك
مروان اول مقال ألو مراد اڼفجر فيه
مراد بعصبيه انت هاتفضل طول عمرك كدا مستهتر ومابتشلش مسئوليه أبدااا انت عملت ايه وسبت البنت فين وليه مش انا قلت ماتخرجش
مروان بهدوء نرفز مراد أكتر ع فكره انت سألت مليون سؤال ف لحظه واحده وبكدا مش هاعرف أرد عليك فياريت تهدى كدا علشان اعرف أفهمك
مراد بضيق ماتحاولش تختبر صبرى ي مروان وانجز
مروان بكل بساطه البيبى ستر كانت معاها من الساعه خمسه يعنى انا ماسبتهاش والا حاجه كل الحكايه اربع سعات وادينى معاها أهو والبنت كويسه ومبسوطه وضاف بمرح وبتاكل مكرونه
مراد بردو غلط انت قلت ايه هى مين دى ال بتاكل مكرونه 
مروان بضحك بنتك والله تصدق بقا ان البيبى ستر بتاعتها من أول يوم تخليها تحب المكرونه ال ماكنتش بطيقها زيك بالضبط بس يعالم يمكن انت كمان تيجى وتحبها زى ملك
مراد هى ايه دى ال أحبها
مروان المكرونه طبعا انت فهمت أيه
مراد بتحزيرخلى بالك من البنت ي مروان لآن صدقنى مش هسامحك أبدااا ف اى تقصير إتجاه ملك
مروان ببرود وكأنه ماسمعش حرف تيجى تاكل مكرونه 
مراد قفل الخط
ومروان بص لسلمى وشكرها ويادوب هى هتمشى كان مروان واقف وهو بيقول هاوصلك
سلمى لا مالوش داعى حضرتك وكمان علشان ملك
مروان بص لملك واتكلم نوصلها والا
ملك بفرحه نوصلها طبعا
مروان نزل بعد اصراره ع سلملى وملك ف ايدهم
بعد نص ساعه بالضبط كان مروان واقف ع قمه الحاره
ال سلمى ساكنه فيها
سلمى بشكر شكرا جداا لحضرتك
مروان والا يهمك وبعدين انا أخرتك كان لازم أوصلك
سلمى باست ملك واتفقت إنها هاتعدى عليها بدرى علشان تاخدها للحضانه مع اعتراض مروان لكن سلمى أصرت لأنه مش هايعرف يلبسها ويهتم بأكلها الصبح
يادوب مروان مشى وسلمى دخلت ع أول البيت كان واقف قدرها ونصيبها جمال ابن عم ممدوح الجزار
ست البنات نازله ف نصاص اليالى من عربيه بيه آوبهه ولا عملى اعتبار لأى كبير ف الحاره كلها!!
سلمى بضيق يعنى هو لو مش الصبح يبقى بليل ياربى
جمال ايه دا ايه دا ست الحسن بتنفخ كمان اشحال لو ماكنتش شايفك وانتى نازله من عربيته دلوقتى !
سلمى إمشى ي جمال الله يباركلك هى أصلا مش ناقصه غباءك يعنى
جمال پغضب مين ابت ال غبى 
سلمى بإبتسامه برود وانت شايف حد تانى معانا أكيد انت يعنى
وقبل جمال ماينطق كانت سلمى مكمله
عارف غبى ليه ي جمال علشان انا لو بعمل حاجه غلط كنت دريتها لكن لأ مش سلمى ال تعمل كدا وال أنا نزلت من عربيته دا كان معاه بنته لأنى بشتغل عنده فهمت ي..ي..ذكى
جمال بلين طيب وليه التعب والشقا وانا ممكن نخليكى ست الحاره وست ستهم كمان
سلمى بتأفف ابعد عن طريقى الله يباركلك علشان مهدوده وعاوزه انام وورايا مدرسه الصبح وهقولهالك لأخر مره لأ ي جمال مش موافقه والا ممكن أوافق ...
سابته وطلعت شقتهم وهو واقف يطلع دخان من ودانه وبيتوعدلها أنه لازم يكسرها .....
مين دا ال نزلتى من عربيته ي سلمى دا كان اول سؤال من والدتها اول مادخلت الشقه
سلمى بإبتسامه ماما الله يخليكى مش هاتكونى انتى وجمال عليا!
وعالعموم دا دكتور مروان عم ملك البنت إلى انا بقعد معاها ووصلنا ليه لآن عنده زوء وصمم يوصلنى شكر ليا لأنى حضرتله أكل وملك كانت معانا اه ابوها ماوصلناش ليه لانه مسافر مش هنا بالمناسبه البنت طلعت ملك ال حاكيتلك عنها اول يوم دراسه
أظن كدا جاوبت ع كل الاسئله ممكن ادخل انام لأنى بجد تعبانه 
مها مامتها ادخلى نامى ي سلمى بس خليكى عارفه إن دا خوف عليكى
سلمى باسيت ايد مامتها وهى بتعتذر من أسلوبها بس حقيقى هى كانت خلاص جابت آخرها بعد يوم طويل من المدرسه والمناهده مع