قلوب تائهة بقلم سهام صادق الفصول الاولى

ليتابع ما كان ينظره اليه من اوراق
اياد بأبتسامه اتفضلي الاوراق ديه عايزك تعمليلي جدوله وتشوفيلي الربح والخساره هتكون في حدود ايه وكل التفاصيل 
ثم نظر لها مبتسما يتأملها كعادته بدون ان يعرف لما عينه دائما تتفحصها برغم من ملابسها المحتشمه 
نظر له احمد وهو يتابع نظراته ثم قال بصوت هامس
سيب مريم في حالها هي مش زيهم وانت عارف كويس كده
نهض اياد سريعاا من مكانه وتركهم
 وجدها تحدق بصورة صغيرها بشوق شديد اقترب منها 
وجلس بمقربة منها وهو يقول.
انا وعدتك اني هرجعهولك ياصافي خليكي واثقه فيا
صافي بأسي تفتكر اني ممكن الاقيه في يوم خاېفه اووي يا ادهم اني اعيش عمري كله استني اليوم اللي القدر يجمعني بيه ويوم ما القيه مشوفش نظرة الحب اللي اي ام بتشوفها في عيون ولادهاا

نظر لها بأشفاق وهو يتذكر نظرة امه المودعه وهي تقول خاېفه تبقي زيه
لم يفهم قصدها هذا اليوم الذي مرت عليه سنين طويلة إلا عندما كبري علم انها تقصد ان يصبح مثل والده زوج خائڼ واب لا يصلح 
  ايام تمر ووحدتها اصبحت قاتله ولكن عملها الجديد اصبح يشغل معظم وقتها كانت سعيده بهذا العمل لكونها تعمل ما تحب. وضعت رأسها علي وسادتها بعد ان ضبطت منبه هاتفها على موعد استيقاظها ورغما عنها كانت تشرد في حياتها السابقة كم هي تشتاق اليهم كثيرا تنهدت بحزن اصبح يملئ قلبها وذهبت في عالم الاحلام.
حياته كما هي لايري شئ سوي عالمه التائهه فيه وكأنه اصبح لا يبصر بشئ سوي هذا العالم الذي يحيطه كانت ضحكاتها تتعالا في اذنيه ويدها التي تسحب يديه ليراقصها 
ظلت ترقص بين ذراعيه ولاول مره هي من تسقط عليه الكلمات كان يسمع كلماتها مثل الاصم في هدوء تام الي ان سألته عن موعد زواجهم
اياد بدهشه جواز 
شاهي پصدمه جوازنا ياحبيبي مش المفروض نتجوز ولا انت خلاص زهقت مني
اياد بأرتباك ليه بتقولي كده 
شاهي بحزن مالك يا اياد انت بقيت غريب اووي الايام ديه
اياد بضيق مافيش ياشاهي يلا نمشي عشان تعبان 
 تفتكر هيجي يوم وتبعد عني وتسبني
نظر لها وبضحكته المعهوده قال.
مممممممم ليه بتقولي كده 
صافي لان لكل شئ نهايه وانت ممكن في يوم تلاقي نصك التاني اللي تكمل معاه حياتك ثم تنهدت بحسره وهي تلقي علي مسمعه تلك الكلمات
بدء يعتدل من جلسته واسند برأسه علي الوساده وقال
مفتكرش وأخذ يحدق بذلك الفراغ الذي امامه.
صافي ليه متجوزتش لحد دلوقتي يا ادهم
نظر لها بتعجب من سؤالها فالمفترض لو سأله جميعهن بهذا السؤال هي دونهم لا ترغب ان تسأل هذا السؤال فهي عشيقته.
ادهم مالك ياصافي اول مره تسأليني السؤال ده 
صافي بهدوء واحد زيك عنده كل حاجه ليه اسمه وسمعته وكمان شخص جذاب وجميل ليه لحد دلوقتي متكونش في واحده في حياته قدرت تدخل قلبه 
ادهم بتنهد وهو يشير الي موضع قلبه عشان ده مش عايش زي صاحبه بالظبط
كادت ان تكمل كلامها ولكن علمت بأنها الان يجب ان تتوقف عن حديثها.
نظرت له فوجدته وكأنه يصارع شئ بداخله .. نهضت من جانبه بعد ان تشبثت بالغطاء
وهي تعلم تماما ان قربهم من بعض هذا ليس سوي اكتمال ارواح تحتاج الي الاحتواء لتعوض ما بداخلها من نقص يريد ان يكتمل.
الفصل الرابع.
رواية قلوب تائهة.
بقلم سهام صادق.
جلست علي احدي الطاولات في هذا المكان المخصص لأستراحه العمل وبعد لحظات قامت لتجلب مشروبها المفضل 
مريم بأبتسامه مشروب كل يوم ياعم حسن
حسن بطيبه من عنيا يا استاذه مريم
ابتسمت له بأبتسامتها المعتاده فهو يذكرها بوالدها نفس الطيبه التي كانت تراها في عينيه وملامحه 
اخذت طلبها ليست مدركه بمن امامها ودون قصد صدمت باحدهم 
ادهم ابقي خدي بالك يا انسه ثم انصرف وتركها دون ان ينتظر ان يسمع اعتذارها
هبه بضحك كنتي هتكبي العصير علي رئيس مجلس الاداره
مريم بدهشه هو ده صاحب الشركه
هبه بضحك بقالك شهر وكل ده ومتعرفيش ان ادهم عزت هو الكل في الكل هنا
مريم بتعجب طب واستاذ اياد واستاذ احمد 
هبه دول اعضاء مجلس الاداره بس طبعا ليهم اسهم في الشركه غير ان بشمهندس اياد يبقي اخوه الصغير
مريم عشان كده ديما كنت بشوفه في كل الاجتماعات وهو اللي بيديهم الاوامر 
هبه بضحك وبعقلك كده يافالحه ما دام هو اللي بيدي الاوامر يبقي مين بقي صاحب الشركه يابنتي ادهم ده هو اللي ماسك كل حاجه عقله يوزن بلد وميعرفش اخوه في الشغل ثم بدأت تتناول مشروبها وهي تواصل كلامها حتي لو بشمهندس اياد بس بصراحه غيره خالص 
مريم بتسأل غيره ازاي يعني 
ولكن قطع حديثهم نهوض الموظفين للذهاب لعملهم بعد ان انتهي وقت الأستراحه.
.................................................. .............
كنتي فين يامريم وفين الملف اللي طلبته منك
مريم اسفه يافندم اصل كنت في الاستراحه عشان ميعاد الغدا ثواني وهجيب لحضرتك الملف
اياد وهو يقترب منها ممممم وكده تاكلي من غيري
مريم پحده افندم 
اياد بضحك ايه يامريم هو انتي مالك جد اووي مش معقول وصلناا للسنه 2014 وفي بنات بالشكل ده ثم قال باستهزاء انتي جايه منين يامريم
نظرت له للحظات لتري ضحكاته أثناء أحتقاره لها بكلامه وقالت بأسي عن اذن حضرتك 
ثم ذهبت وهو مازالت انظاره عالقه بها وقد تبدلت ضحكاته لسكون تام.
هو انا ايه الي عاملته ده عشان اتريق عليها كده واضحك
خرجت سريعا من امامه ودموعها تكاد توشك علي الهبوط كادت ان تصدم به ثانية ولكنها تراجعت رفعت وجهها الذي كانت تخفضه لتري ممن سوف تعتذر فبهتت ملامحها عندما رأته
نظر لها قليلا يتأمل عيونها المليئه بالدموع ثم ابتعد عنها وهو يعلم بأن قد حدث شئ بينها وبين اخيه 
دخل اليه وجده يهندم من ملابسه ليهم بالخروج من مكتبه
وبعد ان القي عليه ما اراد منه بشأن شاهي التف لينصرف ثم عاود النظر اليه ثانيه وهو يقول بصرامه
اعقل شويه وبلاش تلعب علي حد من الموظفين مفهوم
اياد بأبتسامه ديما ظالمني 
ادهم اتمني ذلك .. ثم تركه وانصرف 
اما هو اخذ يحدث نفسه بشأنها
ياتري يامريم انتي غيرهم ولا مع الوقت هتبقي زيهم
.................................................. ................
مالك يامريم هو بشمهندس اياد زعلك 
مريم بتسأل هو انا لبسي مش كويس ياهبه
هبه بابتسامه من ناحيه ايه مش كويس ثم بدأت تفهم هبه ما تقصده 
هبه مممممم يمكن انتي مش متحرره زينا كده يعني انا مثلا محجبه بس ممكن اعمل لفات حجابي علي الموضه احط ميك اب البس ملابس ضيقه شويه وبرضوه علي موضه يعني تحرر بس مش زيهم يعني 
نظرت إليها مريم باستغراب مش زي مين 
هبه بضحك مريم هو انتي قولتيلي خريجه كليه إيه اللي يسمع اسألتك ميقولش انك خريجه جامعه ومرت عليكي كل انواع البنات 
مريم انا في الجامعه مكنش ليا اختلاط اووي بحد غير رنا ما انتي عارفاها بنت استاذ هاشم كان كل اللي بيهمني دراستي
هبه بتفهم هو قالك ايه
مريم وبدأت تتذكر نظراته وضحكته التي يشع منها نظرة الاستهزاء وبعد لحظات
هبه بصي يامريم سيبك من الوسط ده مالكيش دعوه بنظراتهم ليكي ولا حتي كلامهم لانك هتسمعي كتير من كلامهم وهتشوفي نظرات استغراب وكأنك انتي من عالم وهما من عالم تاني خالص انا كنت زيك كده لبسي واسع وماليش في الموضه والكلام ده صح بلبس لبس متناسق وحلو بس كنت ملتزمه باللبس المفروض تلبسه اي بنت محجبه بس للاسف فضلت اشوف ديه لبست ايه وديه عاملة ايه وديه بتلفت الانتباه ازاي لحد لما انتي شايفه اه 
وقالت بأبتسامه بس يعني لبسي مش وحش اووي بس مبقتش هبه بتاعت زمان 
مريم بأبتسامه ربنا يهدينا جميعا متشكره اووي ياهبه علي كلامك