حطمت قلبي بقلم سولية نصار

بعيوني وملقيتش منهم إلا النكران وشاركوك في كسري قولي يا مراد ايه الحاجة الحلوة اللي شوفتها معاك لاني مش فاكرة اي حاجة 
تنهد پألم بينما دمعة تنساب من عيني ويقول 
اديني فرصة أي فرصة اصلح اللي عملته اديني فرصة اصلح أنا قلبك متديش تاني أنا اللي هدي أنا اللي هحارب المرة دي حطي ايدك في أيدي بس وشوفي ازاي انا هتغير ازاي هحبك هحبك اكتر ما بحب اي حد في حياتي منار أنا عرفت غلطي متفكريش فيا فكري في بناتنا من حقهم يعيشوا حياتهم وسطنا 
فات الأوان يا مراد 
وانا مش هستسلم يا منار عمري ما هستسلم هحارب عشانك 

نظرت إليه وقالت 
يبقى هتحارب كتير 
هز رأسه ورد
مستعد احارب لحد ما أموت مش هسيبك تضيعي من ايدي 
لم ترد عليه وغادرت لغرفتها كي تنام 
في غرفتها كانت منار شاخصة عينيها للأعلى كلام مراد لا يخرج من عقلها أنه مستعد لمنحها الحب الشئ الذي إرادته دوما ولكن جرحها ما زال ېنزف ربما يوما ما ستستطيع أن تغفر له ولكن ليس الان هي لا يمكنها أن تغفر له الآن !!!
في اليوم التالي 
ارتدت منار ثيابها والبست أطفالها ثم خرجت وهي تمسك كفي طفلتيها كان مراد ينتظرها بالصالة ابتسم ما أن راهما وقال
يالا عشان اوصلكم 
هزت منار رأسها وذهبت معه 
نزلا للأسفل 
كانت هنا جالسة على طاولة الإفطار وهي تنظر الى منار بكره ولكنها لم تتحدث أو تفعل أي شئ بينما قالت صابرين بحب 
تعالوا افطروا يالا قبل ما تمشوا 
ابتسم مراد وقال
لا يا ماما احنا هنفطر برا عن اذنكم 
روح يا حبيبي ربنا يسعدكم يارب 
قالتها صابرين ثم
نظرت إلى هنا وقالت وهي تلوي فمها 
ويبعد عنكم ولاد الحړام 
احمر وجه هنا بإنفعال ونهضت من على الطاولة ثم صعدت للأعلى 
تنهد مراد بتعب يجب أن يحل الموضوع اليوم لا يوجد تأخير 
وقبل أن يذهب قالت صابرين 
صحيح يا مراد آسر كلمني هو جاي بكرة بإذن الله قال إنه أخد إجازة من الشغل اسبوعين هيقضيهم هنا وقولت ان دي فرصة ادورله على عروسة يمكن يتهد ويبقى معانا بدل السفر كل شوية 
ابتسم مراد
وقال
تفكير سليم يا أم مراد ينورنا القرد ده وحشني 
عن اذنك يا أمي هنمشي دلوقتي 
روح يا حبيبي وانا رايحة اصحي ابوك اللي مبيشبعش من النوم ده 
هز مراد رأسه وذهب هو وزوجته وبناته 
أوصلهم إلى رياض الأطفال وابتسم وهو ينظر إلى منار وقال
بعد الحضانة هاخدك مشوار كده 
عبست وقالت 
مشوار ايه !
تؤ مفاجأة يارب تعجبك يالا يا حبيبي روحي 
مرت ساعات عمله ببطء مغيظ فهو كان متحمس ليذهب إليها ويخبرها بالخبر السعيد 
وأخيرا انتهى دوامه ونهض مسرعا وذهب إليها 
كان يقف مستندا على السيارة وهو ينتظر خروجها ابتسم بسعادة وهو يقترب منها مسرعا ثم يحمل الطفلتين ويقول 
حبايب بابا 
اسبقيني على العربية يالا 
ذهبت منار الى السيارة وفتحتها ليضع مراد طفلتيهما فيها 
ثم استقلها هو ومنار وانطلق بهم 
ايه المكان ده يا مراد !
قالتها منار بحيرة وهي تنظر إلى ذلك الحي الهادئ 
انزلي وهتعرفي 
قالها وهو يترجل من السيارة ويسرع إلى الناحية الآخرى ويفتح لها الباب ثم يساعدها في إخراج البنات 
ولج مراد وأسرته إلى البناية السكنية واستقلا المصعد للدور الثالث ثم توقفا أمام شقة سكنية 
أخرج مراد مفتاح من جيبه به رصيعة ميدالية مدون فيها اسمي مراد ومنار بشكل مميز وبها ثلاث نسخ من مفاتيح 
ايه ده !
قالتها ببلاهة فرد مبتسما 
امسكي افتحي الباب 
امسكت المفتاح وفتحت الباب وولجت للشقة السكنية 
كانت منار تتجول في الشقة وهي حقا لا تفهم 
انا لسه مش فاهمة 
انا اشتريت البيت ده !
اتسعت عيني منار پصدمة ليكمل 
زي ما أنت عارفة اني معايا مبلغ كويس اووي في البنك دفعت معظمه في البيت ده ومش ندمان ابدا 
أخرج من حقيبته اوراق الملكية وقال
صممت ان كل حاجة تنتهي بسرعة عشان ننقل هنا ده كان حلمك يا منار أن يكونلك بيت مستقل وانا بحققهولك اهو 
تصاعدت الدموع في عينيها وابتعدت عنه وهي تخرج للتراس تشعر بالإختناق 
ذهب هو خلفها بعد أن أمر طفلتيه بألا يتحركان 
وجدها تقف على التراس وهي تنظر أمامها بينما الدموع تنساب من عينيها دون توقف 
ليه كل حاجة بتيجي متأخر زي حبك ليه كل حاجة بتيجي ما
كسرتني مكنتش قادر تحبني قبل ما اتكسر على ايديك!!
نظر إليها بندم وقال
آسف اني في يوم جرحتك أنا كنت غبي مبفهمش اسف اني معرفتش قيمتك الا متأخر بس انا عرفتها واهو بعمل المستحيل عشان اصلح الوضع خلينا نحاول مرة تانية نصلح حياتنا ونرجع زي الاول 
ممكن تديني فرصة يا منار فرصة واحدة بس فرصة واحدة 
نظرت أرضا وقالت
خلينا نروح البيت يا مراد انا تعبت 
أغمض عينيه بتعب فأكملت هي 
هننقل هنا يا مراد بس متفتكرش أن اي حاجة تتغير انت قولت هتحارب عشان تكسبني صح حارب بس هتحارب كتير 
اشرق وجهه مع ابتسامة رائعة وقال
هحارب لحد ما أموت 
يالا كفاية خلينا نروح البيت 
هز رأسه مبتسما بسعادة 
في المساء 
كان يقف أمام منزل هنا بتردد لا يعرف ماذا يقول لها هل ستتحمل الآمر أغمض عينيه بتعب وهو يسب نفسه هو من احدث تلك الفوضى لن يسامح نفسه أبدا على اذيتها فهي قد خسړت كثير ولكنه يقسم أنه سوف يساعدها حتى مۏته !!!
هنا 
وحشتني اووي أنا موحشتكش !
خلينا نتكلم جوا 
شوف عملتلك الأصناف اللي بتحبها عملتها بكل حب عشانك أنا بحبك اووي يا مراد 
مراد 
هنروح المأذون عشان نطلق !!
يتبع
الفصل الثالث والعشرون صدمة 
عرفت إني أحبها عندما كدت أن أخسرها !!!
أنت بتهزر صح قول انك بتهزر يا مراد 
قالتها هنا وقد ترطبت عينيها بفعل الدموع شعرت پألم حاد في قلبها وهي تبحث في عينيه عن أثر للمزاح فتختنق وهي لا تجد 
مراد انت بتهزر اكيد بتهزر انت مستحيل تتخلى عني أنت بتحبني انت قولت كده !!!
أغمض مراد عينيه وضميره يجلده بسببها ولكنه قرر المضي للنهاية هو ليس مستعد لخسارة منار لا يمكنه أن يخسر حبه الذي وجده أخيرا 
تعالى يا هنا اقعدي واسمعيني كويس 
مراد انت عايز تسيبني تسيبني أنا يا مراد !!
حرام عليك ليه تعمل فيا كده ليه يا مراد 
هنا أنا لو اعتذرتلك من هنا لبكرة مش هيكون كفاية أنا عمري ما انكر غلطي في حقك أنا غلطت وانا اسف اسف جدا كنت فاكر حاجات وحاسس بحاجات واكتشفت أن كل أفكاري كل مشاعري مش حقيقية اكتشفت أن كان في أيدي السعادة وانا بغبائي ضيعتها بس مش هضيع
فرصتي اني ارجع سعادتي مرة تاني واصلح حياتي 
نهنهت پبكاء وقالت 
م مش فاهمة قصدك ايه قصدك ايه يا مراد !
ابتلع ريقه وقال 
هنا أنا بحب مراتي بحبها اووي صحيح مكنتش عارف ده من البداية وحطيت في بالي انها ملكي وكنت مطمن وطمعت لما ضمنت حبها ليا بس ده كله
تلاشى لما اتجوزتك حسيت اني بخسرها ومع كل خطوة كانت بتاخدها بعيد عني كنت بحس اني مخڼوق اووي حاسس اني بمۏت فكرة اني بس أطلقها هي الچحيم بالنسبالي الوضع ده عرفني اني مش هقدر اعيش من غير منار عشان كده لو العالم كله في كفه وهي وبناتي في كفة هختارهم هما هختار عيلتي وأنت ربنا هيعوضك عني خير أنا متأكد من كده !
أنا هطلقك وانت ربنا هي 
انا مش عايزة غيرك ليه مش عايز تفهم ليه يا اخي عوضني على اللي اخوك عمله فيا ليه يا مراد تعاملني زي ما اكون إنسانة وتخليني احبك وبعدين جاي ترميني دلوقتي ليه أنا ھموت لو انت سيبتني 
أنا مش هتخلى عنك يا هنا أنا هساعدك دايما بس جوازنا مش هيستمر أنا آسف مش هضيع عيلتي من ايدي 
ثم تركها وذهب
في اليوم التالي 
كان مراد قد أخذ إجازة من عمله وايضا كان اليوم هو يوم العطلة برياض الأطفال قررت منار أن تخرج فيه أطفالها بعيدا عن المشاكل التي سوف تحدث اليوم فهي تعرف أن اليوم سوف يتم طلاق كلا من هنا ومراد وبالطبع لن تسلم من تلميحات حماها وحماتها فالأسلم تذهب اليوم بعيدا 
كانت منار في المطبخ تجهز طعام الإفطار عندما ولج مراد للمطبخ 
النهاردة هطلق هنا 
وده هيغير ايه يعني !طلاقك ليها مش هيخليني اسامحك يا مراد انت قولت هتحارب عشان ارجعلك ولسه قدامك المشوار طويل عشان اسامحك ده لو سامحتك طبعا عن إذنك بقا 
ثم تركته وغادرت المطبخ وهي تحمل اطباق الطعام 
أمام مكتب المأذون الشرعي 
كانت هي ترتجف بقوة بينما الدموع تطرف من عينيها بقوة لا تصدق أن كل شئ سوف ينتهي لا تصدق أن هذا الحلم الجميل الذي عاشته سينتهي نظرت الى مراد تبحث عن أثر للتردد فلم تجد على العكس تماما وجدته مصر على فعلته تلك لقد كان حبه كڈبة مشاعره مجرد خداع 
يالا يا هنا 
قالها مراد وهو ينظر إليها كان البؤس يرسم خطوطه البشعة عليها ولكنه قرر أن يعوضها عن هذا كله سيطلقها صحيح ولكنه سيدعمها في اي قرار يكون لصالحها سيحميها من والدها
واي شخص يريد ايذائها لقد كانت جريمته في حقها لا تغتفر وهو يجب أن يصلح خطئه !!
في احدى الحدائق العامة
معقول هيطلقها خلاص 
قالتها تقى وهي تفشل في محاولة مسح الابتسامة من وجهها لتنظر إليها منار بضيق وتقول
بس ده ميهمنيش يطلقها ميطلقهاش أنا مالي 
يالا يا كدابة مستحيل ده أنت ھتموتي من الفرحة وكده احسن يا منار عشان ترجعوا تتلموا تاني 
صعب يا تقى اللي عمله صعب أنساه 
صعب بس مش مستحيل 
قالتها تقى بقوة ثم وقالت
مادام بيحارب عشانك يبقى بيحبك وأنت متسامحيش بسهولة عشان ميكررهاش طلعي عينيه وخليه يقول حقي برقبتي اقعدي وارتاحي وأنت بتشوفي ازاي بيحارب عشان يرضيكي بس لازم تسامحي يعني فكري في بناتك يا منار هيكونوا مبسوطين لما يبعدوا عن ابوهم تفتكري هيكونوا مبسوطين وهما عايشين في تشتت ما بينك وبينه وأنت لو فكرتي بكرة تتجوزي جوزك الجديد هيرضى يربي بناتك هيكون احن عليهم من ابوهم فكري في الموضوع كويس 
تنهدت منار وهي تنظر إلى طفلتيها التي تلعبان وقالت
حاضر 
في منزل عائلة المنصوري 
ولج آسر بالمفتاح الذي يمتلكه وقال بأعلى صوت 
يا ناس ياللي هنا أنا جيت آسر جه اهو 
أتت والدته وهي تهلل ثم توقفت فجأة وهي تراه جميلة الملامح ترتدي خمار وبيدها الآخرى يوجد طفل يبدو أنه في السابعة من عمره 
مين دي يا واد 
دي كل حياتي يا ماما دي مراتي 
اتسعت عيني والدته بقوة وقالت
اتجوزت امتى يا واد ومين اللي معاها ده ابنكم لحقت تخلف كمان !
لا يا أمي جلال زي ابني وانا بحبه لكن هو ابن سابين 
ده انت يومك زي وشك متجوز واحدة متجوزة 
هزت سابين رأسها

وقالت
لا يا طنط أنا كنت مطلقة و 
وقبل أن تكمل كلمتها فقدت صابرين الوعي 
أمي !!
قالها آسر بړعب ليقول جلال بصوت طفولي 
يا ساتر يارب ماټت دي ولا ايه !!
يتبع
الفصل الرابع والعشرون أمر صاډم
وعيناي عندما