قلوب حائرة الجزء التاني من عشقتك قبل رؤياك بقلم فاطمة الالفي ، الفصول الباقية فاطمة الالفي

على جميع مواقع التواصل الاجتماعي ....
كان يشعر بالاختناق بسبب وحدته يشعر بملل اراد فك هذا الملل خرج من غرفته البسيطه وتوجهه إلى شقتها يريد ان يتحدث معها فقد مل من وجوده وحيدا ولم يستطيع أن ينام ..
وقف أمام باب شقتها وطرق الباب بصوت خاڤت يعلم أن جدتها تنام مبكرا ولا يريد اقلاق منامها ..
استمعت لصوت طرقات الباب ارتدت حجابها وذهبت لترا من الطارق ..
أميره بابتسامة ايه عاوز الحمام
سيف بضيق لا حمام ايه أنا عاوز اتكلم معاكي مخڼوق 
اميره بقلق دلوقتي مش هينفع خالص 
سيف بحزن خلاص ادخلى نامي أنا أسف ان ازعجتك
شعرت بوخزه داخل صدرها عندما وجدت الحزن البادى على ملامح وجهها 
سيف استني مافيش ازعاج ولا حاجه بس انت عارف الوقت متاخر واخاڤ حد يشوفنا مع بعض واتفهم غلط 
سيف باحراج عندك حق فعلا أنا بكرر أسفي تصبحي على خير
تنهدت بحزن ولم تستطيع تركه لذلك قررت 
مافيش داعي للاسف بص شايف السلم ده 
نظر إلى حيث تشير بيدها ايوه ماله السلم 
اميره بابتسامه ابدا هتطلع عليه لحد السطح استناني وانا هعمل كوبيتين شاي واحصلك عشان نتكلم ماشي 
ارتسمت البسمه على محياه ماشي هستناكي اوعى تتاخري 
هزت رأسها بالنفي ودلفت لداخل شقتها وهى تتنهد پألم وتضع يدها مكان قلبها الذى يزداد دقاته فى وجود ذلك السيف تنهدت بأسى 
اهدي يا قلبي هو مش من توبي ولا انا من توبه ومسيره يرجع لاهله ..
اما عن عمار فقد جاء موعد مغادرة الچيم تعمد آن يتاخر ليلتقي بصديقه المسئول عن المكان بغيابه ...
يحاول السيطره على غضبه يحاول أن يعامله بهدوء لكي لايثير الشكوك ..
دلف لمكتبه شاب رياضي يحمل على كتفه حقيبته الخاصه بملابسه الرياضيه .
هشام هو يجلس أمام عمار اخبارك يا صاحبي
عمار ببرود تمام
هشام مالك فى حاجه ولا ايه
عمار بضيق مضايق شويا 
هشام بجديه خير هى
المدام منكده عليك ولا ايه
عمار بجديهلا أبدأ المدام مالهاش علاقه بس فى ناس اديتهم اكبر من حجمهم وخدعوني بمعني اصح اڼصدمت فيهم 
هشام بتوتر تقصد مين 
عمار بزفير حد ماتعرفوش بس بجد غريبه يبق الواحد لابس قناع عكس شخصيته والناس تتخدع فيه بس مع الأيام القناع ده بيسقط وبيبان الوش الحقيقي
هشام بقلق ااه فعلا اكيد بيجي يوم ويتكشف 
عمار عليك نور فى الاخر بيتكشف ويظهر الوش الحقيقي 
هشام بتوتر طب همشي أنا بقى يادوب أغير هدومي عندى تدريب ملاكمه
عمار اتفضل يا ... صاحبي 
غادر المكتب واثناء خروجه اصطدم بفتاه .
هشام بابتسامة انا اسف يا جميل ماخدتش بالي 
ريم بتوتر ارتدت للخلف حصل خير ممكن تعديني
هشام بشرود انا شوفتك قبل كده فين فكريني
ريم پحده بس انا اول مره اشوفك 
هشام بنظرات متفحصه لا انا متاكد ان شوفت الوجه الجميل ده قبل كده اصل الوجه الحسن بيفضل فى زاكرتي طول العمر
ريم بضيق أنت هتخليني امشي ولا ابلغ صاحب المكان
هشام بمكر انا صاحب المكان وتحت امرك 
جحظت عيناها پصدمه خلاص عديني من فضلك
هشام بابتسامه مرحه طب ماتعدي ايه مشكلتي انا
ريم بضيق الصبر يارب اعدي ازاي وانت واقف زى الحيطه ماشاء الله سادد المكان
هشام بغمزه عنيه ليك يا جميل افسح لها الطريق وهو مازل ينظر لها إلى أن اختفت عن الأنظار 
حك موخره رأسه صاروخ بنت الايه
صعد الدرج إلى أن وصل لسطح البنايه استند يده بالسور وهو ينظر للمكان بإعجاب .
يتطلع حوله ينظر لأسفل البنايه يرا الماره ويرا معامله الناس الطيبه بهذا الحي البسيط يشعر برضا الناس رغم قله المال ولكن راء سعادتهم وابتسامتهم لا تفارقهم أول مرة بحياته يحتك بالطبقه المتوسطه أو تحت خط الفقر ولكن لديهم قناعه ورضا وايضا الشهامه وكرم الأخلاق شعر بانه شخصا اخر وهو يتعامل مع هذه الناس البسطاء ..
وقفت جانبه وهى تضع صينيه الشاي أعلى سور السطح 
اتفضل الشاي
أبتسم عندما استمع لصوتها الرقيق ونظر لها بامتنان 
مش هقولك شكرا المره دى بس هقولك ربنا مايحرمني منك
ابتسمت بخجل والتقطت كوب الشاي لتعطيه إياه اخذه منها وهو يرا حمره الخجل بوجهها كادت ان تنصهر من كلمات بسيطه يا لها من فتاه رقيقه بسيطه ليسه بصارخه الجمال فقد كانت ملامح وجهها تعبر عن شخصيتها البسيطه ايضا جمال هادئ بيضاء البشره عينان بلون العسل ملامح رقيقه هادئه تغطى شعرها بحجابها الذى يزيد من بساطتها تعامله برقه تقف جانبه دون مقابل لاول مره يرا الحياه بوجه آخر ..
عندما طال صمته حدثته برقه 
مخڼوق من ايه احكي
نظر لها بتنهيده حارقه كنت مضايق من وحدتي عاوز حد اشوفه ويسمعني جوايا كلام كتير مش عارف اخرجه 
اميره بابتسامه صافيه انا جنبك اتكلم
سيف بنظرات ضائعه يا ترى هتفضلي جنبي لأمته 
اميره بقلق من ظريقته بالحديث مالك يا سيف بتفكر فى ايه اتكلم انا سمعاك
سيف بضيق مش قادر افكر غير فى الكره والحقد إللى جوايا 
اميره پصدمه ليه قلبك رافض يصدق حقيقه قدامك وانت بتحاول تبعدها عن عينك ليه
تعرف يا سيف طول ماانت محمل ياسن ذنب كل حاجه حصلت معاك ولسه جواك فكره الاڼتقام يبقي انت لسه محتاج تراجع حساباتك عشان انت بنفسك المسئول والمتهم الوحيد انت ډمرت نفسك بنفسكولازم تعرف عمر الكره والحب ما يتجمعو في قلب واحد طول ماالانتقام جوه قلبك وعاميك عن حاجات كتير عمرك هاتعرف تحب ولا تقدر الحب في يوم من الايام انا عارفه وواثقه انت شايفني ازاي وبتعاملني بالطريقه دي ليه بس انا مش مستنيه منك مقابل لوقوفي جنبك وجدعنتي معاك
هتف بانفعال انا حبيت ندى الاول كانت زميلتي في الجامعه وانا اللي شغلتها في الشركه وكنت مخطط اصارحها بحبي لكن ياسين دخل بينا هو السبب في كل حاجه هو اللي دمر سعادتي وهو اللي زرع الاڼتقام جوايا ناحيته انا كنت طول عمري شايفه اخويا الكبير لكن ان ياخد حاجه بحبها ده اللي مش قدرت اتحمله انا كنت عاوزه هو اللي ېموت مش ندى لكن انا ورحمه ندى ما هسيبه يتهني بحياته كده انا لازم اخد حقي منه وحق ندى
هزت راسها بأسف وهمست بنفاذ صبر ربنا يهديك ويبعد عنك شيطان نفسك اللي هيدمرك مش هقولك اكتر
من كده
تركته وغادرت بخطوات واسعه وهي تزفر انفاسها بضيق ونبضات قلبها كالطبول تقرع بحزن وخيبه أمل فقد دق قلبها لهذا السيف الذي لا يعرف الحب ومازال الاڼتقام مسيطرا علي قلبه شخصا قاټلا ولم يعترف بخطئه..
الفصل السادس عشر
قلوب حائره
بقلم فاطمه الألفي
ارتدت مريوله المطبخ وهى تشعر بالحماس ارادت ان تفاجئ زوجها وتعد له وجبه طعام من صنع يديها واستعانت باحدى صفحات الطبخ عبر الفيس بوك ..
فى ذلك الوقت دلف الشقه وبحث عن زوجته
فعلم بوجودها بالمطبخ.
ابتسم عندما رآها تقف أمام الموقد وتعد الطعام بنفسها ووقف أمام باب المطبخ يتطلع إليها بحب ولا تشعر بوجوده.
اقترب منها بهدوء وهو يهمس لها بصوت خاڤت بتعملي ايه ياقلبي
انتفضت بخضه ونظرت له بضيق خضتني 
عمار بابتسامه ليه هو مين يعني إللى هيدخل البيت غيري
قبل وجنتها بحب بس ماقولتيش بتعملي ايه بقى
ريم بحماس بعملك اكلتك المفضله نص ساعة بس وهتخلص تكون انت غيرت هدومك 
نظر لها بحب اممم يعنى مافيش بيض ولا جبنه انهارده
ريم بغمزه لا اصلك صعبت عليا قولت اعمل حركه جدعنه ههه
عمار يسلملي الحنين 
هم بمغادرة المطبخ ولكن تذكر شئ فعاد إليها مره اخرى 
انتي ليه ماستنتيش ترجعي معايا بدل المواصلات 
ريم برفعه حاجب عشان ماحدش يشوفنا ويعرف ان مراتك والتخطيط يبوظ
ابتسم لها بحب ايوه بقى بقينا نفكر صح ونخطط كمان 
ريم بثقه عندك شك في ريمو 
عمار بابتسامه لا ياقلبي ماعنديش اي شك فى قدراتك قوليلي بقى وصلتي لحاجه 
ريم بتفاخر طبعا عشان تعرف مايجبها إلا ستاتها 
عمار ههههه طيب يا ستاتها عرفيني بالجديد 
ريم بجديه حبيبي غير هدومك الأول وبعدين نتكلم 
عمار تمام
توجه إلى غرفته لابدال ثيابه وتركها تضع التكات الأخيرة لانتهاء الطبخه .....
فى فيلا الشامي
تحدث يوسف مع شقيقه بأمور الشركه واصابه احدى المهندسين .
استمع حازم بجديه إلى أن انتهى شقيقه بسرد كل شي يخص العمل ..
وحاله البشمهندس غالي ايه دلوقتي
يوسف الحمد لله بخير أنا وصلته بيته بنفسي وطبعا شغله هظبطه مع المهندسين
حازم انا بكره هزوره و اطمن عليه كويس انك طلبت مهندسين جدد الشركه فعلا محتاجه لعدد اكبر من المهندسين كل المجال فى حاجه تانيه عاوز تقولها 
نهض من مجلسه لا ابدا أنا تعبان ومحتاج ارتاح تصبح على خير
حازم بتذكر صحيح ماقولتش اخر الخناق بينك وبين فرح
نظر له بجديه مافيش اى خناق بينا ده كان سوء فهم وراح لحاله
نظر له حازم بشك اممم. تمام 
تصبح على خير
حازم وانت من اهله 
ظلت تبكي بغرفتها فقد اعترف بحبه لاخرى مازال يحبها رغم أنها لم تعد على قيد الحياة احبها واخفى مشاعره إلى أن أصبحت لغيره ومع ذلك لم يبغضها بلا حاول تفريقهم بشتا الطرق إلى أن وصل به الحال لقتل ابن عمه لكى يفوز بحبيبته ولكن اراد الله ان يخسرها هي والآن يفكر بالاڼتقام فقط من أجلها ..
يعنى مش شايفني ولا حاسس بيه وقالي مجرد كلام عشان اقدر اقف جنبه واساعده يهرب من المصحه مش اكتر .
انا لازم اتصل بابن عمه واقوله سيف بيفكر فى ايه وياخد حذره أنا لا يمكن اخليه يتصرف بطيش وياذى نفسه 
حتى لو مش بيحبني زى ما بحبه هفضل جنبه واحميه من نفسه .
نظرت إلى ساعه الهاتف وجدت بأن الوقت متاخر قررت ان تهاتفه فى الصباح حاولت اغماض عيناها وهى تزفر بحزن ..
هبط الدرج وتوجه إلى غرفته وهو عازم الأمر على فعل شيء .
وضعت الطعام على المائده وانتظرت زوجها .
اشتم رائحه الطعام وهو يقترب منها 
ايه الروايح الجامده دي 
ريم بابتسامه فرحه لا ولسه لم تدوق 
جلس أمام مائده الطعام وهو ينظر للطعام غير مصدق ان زوجته طهت هذه الاصناف من صنع يديها من أجله .
عمار بسعاده مكرونه بشامل وكمان فراخ مشويه لا مش. مصدق نفسي
نظرت له بتحدي عشان تعرف ان ست بيت شاطرة وبحاول اكون شيف ممتاز كمان ماتستهونش بقدراتي 
ابتسم بحب وامسك بكف يدها طبع قبله رقيقه 
تسلم ايدك يا قمر 
ريم مش لم تدوق الاول
عمار بحب كفايه انك وقفتي فى المطبخ وعملتي الأكل إللى بحبه اكيد هيبق طعمه جامد زى ريحته تسلم ايدك يا روح قلبي.
ريم بجديه يعنى بجد مش زعلان مني خلاص 
هزراسه بالنفي احنا قولنا ايه نقفل الصفحه دي بقى خلينا فى انهارده وبس وننسي إللى فات
شعرت بالسعاده وبدءت فى تناول الطعام .
وبعد عده دقائق حملت الصحون وساعدها زوجها فى افراغ المائده وحمل معها بعض الصحون ووضعهم بالمطبخ وقف جانبها يعد الشاي وهى تقف أمام الحوض تجلي الصحون ..
وضع الاكواب
أمام الطاوله الموجوده بالمطبخ وجلس ينتظرها من انتهاء عملها لتجلس جانبه