ۏجع حنين بقلم ريحانة الجنة

عندك حق انا السبب بس انا اتكسف اكلمه وبعدين انا معيش رقمه ممكن ابعتله رسالة وخلاص
الدكتورة لا طبعا كلميه مينفعش رسالة وان كان علي الرقم انا حديهولك اهو يا ستي اتفضلي
حنين بس انا محرجة اوي اكلمه 
الدكتورة محرجة من ايه هو انا بقولك روحيلو البيت ده تليفوم يا حنين
حنين اتنهدت . خلاص ماشي ربنا يسهل
في البيت عند حنين 
حنين متوترة ومكسوفة تكلم يوسف 
حنين اهدي بقي يا حنين وامسكي اعصابك كدة علشان تعرفي تكلميه 
حنين اخدت نفس جامد واتصلت بيوسف
يوسف في البيت نايم في السرير وباصص لفوق وبيفكر حيعمل ايه مع حنين ولقي تليفونه بيرن 
يوسف مين ده ده رقم غريب .

مش حرد انا مفيش دماغ اكلم حد . تؤ وبعدين لما أشوف مين ده 
يوسف الو 
حنين اول ماسمعت صوته قلبها ظق جامد اوي وصوتها مش عايز يطلع ومكسوفة
يوسف الو .. الو 
حنين بصوت هادي جدا . السلام عليكم 
يوسف فتح عنيه وقام قعد . حنين 
حنين احمم ايوة ازيك 
يوسف نط من السرير ووشه بيضحك وشال التليفون من علي ودنه وبص فيه ورجعه تاني . حنين انتي بجد حنين اللي بتكلمني 
حنين ابتسمت . ايوة انا حنين 
يوسف وحششششتيييينننننيييي
حنين اتكسفت اكتر واتلجلجت . انا عرفت من الدكتورة انك تعبان فقلت اطمن عليك
يوسف يعني صدقتي الدكتورة وانا لا ما انا قلتلك اني كنت تعبان ومردتيش عليا . هنت عليكي يا حنين 
حنين مش قادرة تتحمل طريقة الحنينة في الكلام دي . لا مش حكاية اني مش مصدقات انا بس حسيت انك. 
يوسف سكتي ليه كملي افتكرتيني بتهرب منك صح 
حنين لا مش كدة بس .... انا بصراحة متلخبطة ومش عارفة افكر 
يوسف ايه اللي ملخبطك يا حبيبتي بس والله انا بحبك وقد كل كلمة قلتها وفعلا عايز اتجوزك 
حنين الموضوع مش بالسهولة دي في حجات كتير جوايا صعب انك تفهمها 
يوسف لا ياروحي حفهم انتي بس اتكلمي وقولي انتي ايه اللي مخوفك مني وانا معاكي ومش حسيبك ابدا 
حنين عموما مش وقته الكلام ده المهم انت تبقي كويس انت صوتك تعبان خالص 
يوسف ابتسم . كنت تعبان لحد ماسمعت صوتك بقيت زي الحصان . حنين انتي كنتي واحشاني اوي . صدقيني انتي اول واحدة احبها كدة انا عمر مافيه واحدة عملت فيا كدة ولاحبيت اصلا قبلك
حنين يا سلام يعني عمرك عرفت ستات ولا ارتبط لحد دلوقتي 
يوسف ماهو ده اللي انا عايز اكلمك فيه . حنين احنا لازم نتقابل ونتكلم انا عايز احكيلك كل حاجة عني مش عايز اخبي عليكي حاجة 
حنين بس 
يوسف قاطعها . مبسش لتزم نتكلم ارجوكي وافقي . انا حكلمك بكرة تقوليلي حنتقابل امتي والساعة كام 
حنين ربنا يسهل . يلا سلام بقي 
يوسف استني بس . انا ملحقتش اشبع منك ده انا مصدقت اسمع صوتك . اه يا حنين لو كنتي قدامي دلوقتي
حنين ضحكت . ليه كان ايه اللي حيحصل 
يوسف وهو بيهمسلها كنت حخطفك واخدك بعيد في مكان مفيهوش غيري انا وانتي وبس 
حنين اتكسفت اوي . احمم يوسف بطل تتكلم بالطريقة دي انا متلخبطة خلقة 
يوسف هههههه . طيب خلاص حسكت بس اوعدك اول مانتجوز وتبقي في بيتي مش حخليكي تتنفسي بعيد عني 
حنين يوسف انا لازم اقفل بقي سلام 
يوسف سلام يا قلب يوسف 
يوسف حنين 
حنين نعم 
يوسف ب ح ب ك
حنين قفلت بسرعة . وهي عمالة تضحك .وانا كمان بحبك يا يوسف بحبك اوي 
يوسف قفل ورما نفسه علي السرير . اخيرا يا حنين اخيرا حلمي بيقرب وحتبقي بتاعتي
الحلقة الخامسة عشر 
في عيادة الدكتورة كاميليا 
يوسف خير يا دكتورة حضرتك صممتي انك تشوفيني النهاردة وقلتيلي موضوع مهم ميستناش للحلسة اللي جايه . خير
الدكتورة يوسف انت عايز ايه من حنين 
يوسف اتعدل في قعدته . احممم حنين هو حضرتك عرفتي 
الدكتورة ايوة حنين حكتلي علي كل حاجة وعرفت السبب اللي كان مخلي حضرتك الفترة الاخيرة متحضرش الجلسات مع انك كنت بتيجي 
يوسف امم بصراحة انا بحب حنين اوي 
الدكتورة وبعدين 
يوسف ولا حاجة انا عايز اتجوزها 
الدكتورة بص يا يوسف انت متعرفش حنين مرت بإيه . حنين انسانة حساسة ومش حمل چروح جديدة فلو انت واخد الموضوع تجربة حاجة جديدة . نوع من الستات مقبلتوش قبل كدة وبعدين تبتدي تبعد عنها . فأنا بقولك اوعي تعمل كدة حنين قبل كدة حصلتلها صدمة وفقدت النطق ولو المرة دي تعبت الموضوع ممكن يبقي اصعب بكتير فانا بحظرك
يوسف ابدا صدقيني انا فعلا بحبها وعايز اتجوزها بس ماكنتش عايزها تديني فرصة اني اقرب منها . في حجات كتير حنين متعرفهاش عني وعايز اقولهالها قبل ما تقدم لها حضرتك عارفة موضوع اني مبخلفش ده لازم تعرفه الاول 
الدكتورة خلاص انا حقنعها انها تقابلك وتسمعك . بس في حاجة مهمة لازم تعرفها . حنين كانت خاېفة تدخل علاقة
حنين بتتكلم في التليفون 
. انا بجد مش عارفة اشكرك ازاي حضرتك الوحيدة اللي بقدر اتكلم معاها وانا مطمنة 
الدكتورة ولا يهمك يا حنين . انتي بالنسبة ليا مش مجرد حالة انتي زي اختي الصغيرة

. يلا بقي انا حقفل وانتي كلمي يوسف علشام تتفقه حتتقبله فين 
حنين حاضر مع السلامة 
قفلت حنين وقعدت بتفكر ياتري اللي حتعمله ده صح ولا غلط . في الوقت ده تليفونها رن . ده يوسف 
حنين السلام عليكم 
يوسف احلي السلام عليكم سمعتها في حياتي وحشتيني يا قلبي 
حنين مبتسمة . وبعدين مش قلنا بطل طريقة دي 
يوسف ڠصب عني والله مش قادر صوتك اصل حلو قوي بيزغزغلي وداني 
حنين هههههه والله انت مشكلة 
يوسف طب قوليلي انتي بعد الضحكة اعمل ايه بس اڼتحر يعني 
حنين يوسف بس بقي والله اقفل 
يوسف هههههههههه خلاص طيب قوليلي بقي الدكتورة كلمتك 
حنين ايوة لسة قافلة معايا دلوقتي 
يوسف طيب حنتقابل فين 
حنين مش عارفة 
يوسف طيب بصي انا حاجي اخدك من عند البيت وبعد كدة نبقي نشوف حنقعد فين . 
حنين لا مينفعش طبعا اركب معاك من هنا 
يوسف امممم طيب خلاص حستناكي بعيد شوية عن البيت ومتخفيش حطير بيكي محدش حيشوفك . حكون عندك بكرة الساعة 2 اتفقني 
حنين خلاص ماشي 
يوسف يالهوي ايه الرقة دي قطة يا ناس 
حنين بقولك ايه اسكت بقي لحسن والله ارجع في كلامي 
يوسف طب ارجعي كدة وانتي تشوفي انا حعمل ايه 
حنين حتعمل ايه يعني 
يوسف بلاش علشان حتزعلي 
حنين لا والله. علي فكرة انا مباخفش 
يوسف يا واد انت يا جامد. طيب بصي يا ستي لو رجعتي في كلامك حتلقيني طلعتلك البيت ودخلتك اي اوضةواقفلت بالمفتاح وحاخد حقي منك واطلع عليكي القديم والجديد 
حنين اتكسفت اوي وقفلت التليفون 
يوسف هههههههههه مش قلتلك حتزعلي . ماشي يا حنين خليني معاكي للاخر لما اشوف آخرة كسوفك ده ايه
تاني يوم 
يوسف واقف مستني حنين في المكان اللي قالها عليه واول ماشافها قرب عليها 
يوسف وحشتيني يا قطتي 
حنين ابتسمت . وبعدين احنا ابتدينا 
يوسف طيب يلا تعالي اركبي . وفتحلها باب العربية . 
حنين خاېفة تركب 
يوسف اممم ممكن أميرتي تركب بقي علشان الناس بتبص علينا 
حنين ركبت 
يوسف قفل الباب ولف وركب بسرعة. وطلع بالعربية بسرعة جدا 
حنين براحة يا يوسف
يوسف الله علي يوسف دي طالعة منك زي العسل 
حنين يوسف
يوسف يا عيون يوسف 
حنين يوه بقي انا غلطانة اني جيت معاك 
يوسف خلاص اوعدك اني ححاول امسك نفسي . قوليلي بقي تحبي تروحي فين 
حنين مش عارفة 
يوسف يعني مفيش مكان معين بتحبيه او دايما بتروحيه 
حنين انا اصلا مش بخرج كتير بس المشاوير الضروري حتي لما بخرج الولاد بيبقي مع حد من إخواتي مش لوحدي 
يوسف ليهم حق ېخافو عليكي انتي اصلك تتاكلي اكل 
حنين اتكسفت وسكتت 
يوسف طيب بصي انا حوديكي مكان تحفة علي النيل ايه رايك 
حنين عادي مش كتفرق
في مطعم فاخر جدا علي النيل
يوسف ايه رأيك المكان عجبك
حنين اه جميل اوي 
حنين بخجل انت حتفضل تبصلي كدة كتير
يوسف قرب شوية من حنين واتنهد تنهيدة طويلة . اصل بصراحة مش مصدق نفسي انتي كلك علي بعضك كدة قاعدة معايا كتير عليا اوي 
حنين احممم ممكن بقي تقول الكلام اللي مصمم اني اسمعه 
يوسف ماشي يا ستي اهربي مراحتك . بصي يا حبيبتي انا يوسف شهاب الدين عندي 35 سنة لية اخت واحدة شيرين هي دلوقتي اتجوزت وسافرت مع جوزها أمريكا انا كان طول عمري حلمي اني اكون ظابط وفعلا دخلت كلية الشرطة وبقيت ظابط وكنت بحب شغلي جدا واترقيت بسرعة وبقيت رئد وماما وبابا فضلو يزنوا عليا علشان اتجوز وبصراحة انا مكنش الموضوع في دماغي بس وافقت علشان مزعلهمش وماما اخترتلي عروسة كان اسمها رانيا واتجوزنا بس عمري في يوم ماحبيتها ولا حسيت اني محتجلها في حياتي اصلا وكان بينا مشاكل كتير وبعد سنة وسنة من جوازنا بابا ماټ وماما فضلت تزن عليا علشان اتابع شغل بابا بابا كان صاحب معارض سيارات مشهور ممكن تكوني سمعتي الاسم قبل كدة وكمان واخد توكيلات لتكبر الماركات في العالم ومينفعش كل ده يتساب لحد غريب يديره ومع اني كنت بحب شغلي جدا بس مقدرتش ارفض طلبها خصوصا انها كانت تعبانةوكنت خاېف عليها من الانفعال
وفعلا استقلت من شغلي وتابعت الشغل وابتدينا انا ورانيا في مشاكل جديدة بسبب تأخير الخلفة روحنا لدكترة كتير وعملنا
كل التحاليل المطلوبة رانيا كان عندها التبويض ضعيف جدا وابتدت تتعالج وانا كمان اتضح اني عندي نقص في عدد الحيونات المنوية . ههههههه ايه مالك اتكسفتي كدة ليه 
حنبن احممم لا ابدا مفيش كمل 
يوسف هههه ماشي بس يا ستي الدكاترة قالو ان احنا الاتنين مع بعض مستحيل نخلف هي ممكن مع العلاج تخلف بس مش مني انا وانا كمان الدكتور قالي ممكن مع العلاج اخلف و بس اكيد مش من رانيا مع ان الامل في حالتي ضعيف جدا . بس وابتدت رانيا تفتعل مشاكل كتيرعلشان اطلقها مع اني قلتلها اول ماعرفنا الحكاية دي نتطلق بس واضح انها كانت عايزة تجمع مني اكبر مبلغ قبل مااطلقها بس انا مكنش فارق معايا وسيبها لحد ماتزهق وتطلب لكن اللي مقدرتش استحمله انها تهين

امي وتعامله بطريقة وحشة وكانت رافضة اننا نروح نعيش معاها ولا حتي ان ماما تيجي تعيش معانا وبعدين انا كنت كل يوم لازم اقضي وقت مع ماما اتغدي معاها او مككن عشاء المهم مسبهاش طول اليوم لوحدها هي بقي مكنش عجبها وفي يوم كنا بنتعشا عند ماما وكنا بتكلم علي موضوع اننا نروح نعيش معاها رانيا زعقت وانفعلت وقالت لامي كلام كتير معجبنيش فعليت صوتي عليها وقولتلها لو اتكلمتي مع امي بالطريقة دي تاني مش حتقعدي علي زمتي يوم واحد ردت عليا انت فاكر نفسك راجل طبعا نقصد اني مبخلفش