ابن ليل بقلم الكاتبة اميرة اسامة
قبل وانا بنحبك يا لبن الجمال بشويه
سماح سلام عليكم
طلعت سماح جري من قدامها وهي قلبها بيدق واللي خاڤت منه حصل دعاء كانت واقفه وسمعتهم
دعاء ماشي يا حسن الكلب ودين محمد لا هنشتغلولك في الازرق انت وبنت سونه
دره جات من وراها وهي بتضحك
دره احيه انتي واقفه تكلمي روحك يا دعاء
دعاء بصوت واطي بصت علي نبيله من بعيد كانت واقفه في البلكونه لا يا اختي بنستحلفوا لحسن الكلب
دعاء هتقوليلي ده من كتر شغله حاسه ان طلعلي أريال في نافوخي
دره مش فاهمه
دعاء الولا شاف بت سونه جري وراها زي الاهبل وقال ايه بحبك وهي تقوله بحبك وقصصصصه
دره ماتسيبي الولا في حاله انتي مالك مش قلبه اللي اختار
دعاء اختار الندامه بقي يصوم يصوم وميلاقيش غير بت سونه
دره ومالها بت سونه هي البت لا سمح الله وحشه او فيها عيب
دره طيب نتكلموا بجد بقي بعيدا عن اي كلام بيتقال علي سونه بيتهيألي الست في حالها وبعيدا عن طريقتها واللي بتعمله في روحها بردوا بيتهيألي انها غلبانه
دعاء ايه رضيتي عنها مش دي اللي كانت عايزه تطفشك هي ومها
دره سيبك من الهبل اللي كانت عايزه تعمله واللي يمكن تكون لسه عايزه تعمله انا بنقول اللي يرضي ضميري وحتي ياستي لو سونه وحشه انتي ليكي البت ولو ابنك بيحبها وهي بتحبه بجد البت هتبقي قدام عينك
دعاء احيه دي كانت مها استلمتني رايح جاي
دره ايووووه بردوا هتقولي مها يا دعاء مش عايزين نرجعوا نكرروا اللي حصل معايا نخاف من كلام ده وزعل ده وتريقه ده بلاش نعملوا حساب لروحنا ولغيرنا علي حساب ولادنا ادام ابنك مبسوط ومرتاح خلاص وبصراحه بقي انا شايفه البت كويسه يعني زي القمر ومحترمه ومؤدبه وعندها عزة نفس عايزه ايه تاني
دره مش مهم ترتاحي كفايه ابنك يكون مرتاح ابنك بقي راجل يا دعاء سيبيه يفرح ويحب ويعيش حياته خليكي انتي لحسن يا دعاء الامان والسند والضهر اوعي في يوم تديله ضهرك او تقفي في طريق سعادته
دعاء انا كل همي هو سعادته اصلا انا محلتيش غيره في الدنيا دي كلها يا دره انا مقدرتش نجيب غيره سيبك من نقاري انا وهو في بعض بس حسن كل حاجه ليا في الدنيا
دره تاني يا دعاء وهما مالهم بس دي حياته هو واكيد بعد كل اللي حصل معايا ميتهيأليش انهم برجعوا يغلطوا نفس الغلطه عارفه ليه لان وقتها موقف حسن هيبقي غير موقفي انا في موقفي العيلتين خسروا بعض بطريقه تفكيرهم عشرين سنه بحالها لكن في موقف حسن يوم ما تقفوا قصاده هتخسروا هو واكيد محدش فيكم عايز كده
دعاء معاكي حق عموما اللي فيه الخير ربنا يقدمه ولو البت كويسه ربنا يقربها منه اكتر ولو وحشه ربنا يبعده عنها
دره اطمني البت كويسه واكيد ليها نصيب مع حسن عشان هو يستاهل كل خير
دعاء يارب يا دره
طلعت سماح علي فوق واول ما دانه فتحتلها دخلت وقفلت بسرعه الباب ووقفت وراه
دانه بضحك في ايه صرعتيني
دارين وديما كانوا واقفين باصين عليها
دارين في ايه يا سماح مالك انتي في حرامي بيجري وراكي
ديما او يمكن كلب او قطه
سماح انيل انا اتقفشت يا بنات
بصوا البنات لبعض
دانه اتقفشتي يعني ايه في وضع مش تمام ولا ايه
دارين اتلمي يا سافله
سماح ابله دعاء قفشتني انا وحسن
دانه وبتقولي عليا سافله اهو طلع عندي حق
ديما كان بيعمل ايه معاكي
سماح بيعمل ايه انتي كمان انتي دماغك راحت فين انتوا فاهمين غلط
دارين حاولي تفهميهم بسرعه خصوصا دانه دماغها علي طول راحه في حته مش حلوه
سماح كانت واقفه بره وسمعت حسن وهو بيقولي بحبك وانا بقوله بحبك
دارين طيب كويس انها جات علي كده مالك خاېفه كده ليه
سماح تاني هنرجعوا نقول انها مكانتش تعرف وانها لا بتطيقني ولا بتطيق امي
دانه طيب وهي مالها بيكم المهم انتوا بتحبوا بعض
سماح اكيد بس بردوا هنا غير امريكا انتوا هناك براحتكم انما هنا الاهالي لو محشروش مناخيرهم في حياة ولادهم يبقي في حاجه غلط
دارين زي ما عملوا كده مع مامي وكرم
سماح بالظبط للاسف علاقتهم ببعض بتنعكس علينا احنا وبياخدونا بذنبهم
دانه سيبك منهم ادام بتحبوا بعض ملكوش دعوه بحد واتمسكوا ببعض
سماح اكيد هنعملوا كده بس انا بصراحه لما عرفت انها سمعتنا اټرعبت
ديما طيب وانتي هتفضلي واقفه في ضهر الباب كده هي بتجري وراكي ولا ايه
سماح بضحك لا بس انا حسيت انها ممكن تجري ورايا وتجيبني من شعري
دارين لا حرام طنط دعاء طيبه والله يمكن هي متفجأه بس مظنش انها تدخل فيكم لدرجه انها تبوظ علاقتكم في النهايه هي عارفه يعني ايه حب هي وخالوا كانوا بيحبوا بعض
سماح يارب يا دارين يهديهم كلهم
دانه طيب ادخلي اقعدي روشتيني
دخلت سماح قعدت معاهم وقدمتلها دارين عصير وكيك وقعدوا يرغوا مع بعض واتفتحت سيره هيما واللي عملته
معاه دارين وعرفت سماح السبب اللي خلاها تعمل كده وهو ادم
سماح بصي انا مش هنقدر نغلطك يا دارين يعني اي حد فينا وهو بيمر بظروف مش حلوه وبيبقي مضايق مبيعرفش هو بيقول ايه وبيعمل ايه وبنخرج اللي جوانا علي أي حد يطلع قدامنا وقتها بس كمان متزعليش مني ادم ميستاهلكيش لاني بصراحه شايفه انه مش بيحبك فا ده لا يتزعل عليه ولا تنزلي عليه دمعه اللي باعك بيعيه واكسبي فيه كمان اما بقي بخصوص هيما الشهاده لله هو حد جدع اوي وطيب ومحترم ويعتمد عليه ودمه خفيف يمكن هو مش قاصد يضايقك ولا يناقر فيكي كل ما يشوفك بس يمكن عشان حس انك مختلفه عن دانه وديما حب انه ينكشك عشان تاخدي علي الجو بسرعه
دارين يعني ايه مختلفه عن دانه وديما مش فاهمه
سماح يعني هما بيهزروا بيضحكوا عشريين خدوا علي الجو بسرعه عكسك انتي هاديه بحس انك خجوله شويه وبمكن اول ما شوفتك حسيت انك متاخده لسه من الناس عموما يعني بإختصار مش بتعرفي تتأقلمي علي الجو بسرعه فهمتي
دارين انا يمكن فعلا بحتاج وقت لحد ما اتعود علي الناس بس انا مش شخص أنطوائي بالعكس انا بحب الناس
سماح مقولتش انك انطوائيه بس مش بسهوله بتاخدي علي الجو بسرعه
دارين مش للدرجه دي يعني انا خدت علي حسن واحمد ومحمد علي طول بس بصراحه هو اللي قفلني منه كنت حاسه انه مش طايقني وعشان كده بيرخم عليا
سماح خالص والله هو طيب اوي ويمكن احنا الأسكندرانيه لما بنتعرفوا علي حد جديد بنجروا شكلوا بالهزار بالكلام عشان يتعود علينا وياخد علي جونا بسرعه وهو عمل كده وبعدين مش يمكن معجب و بيحاول يلطف الجو
دانه قولت حاجه غير كده انا
دارين اتلمي مش نقصاكي وبعدين هو لحق يبقي معجب احنا مش بقالنا كتير هنا وكمان هو بالذات انا متكلمتش معاه كلمتين علي بعض
سماح والله الإعجاب والحب مش محتاج مدة طويله ايه مسمعتيش عن الحب من اول نظره
دارين خلاص خلتيه حب كمان
سماح وليه لأ علي فكره بقي انابعد كلامك ده أتأكدت انه معجب بيكي خصوصا انا اعرف هيما من زمان يمكن زيه زي اي شاب بيعرف بنات وبيخرج وبيقابل بس اللي اعرفه ان هيما عمره ما حب غير مره واحده
دانه طيب وفين حبيبته
سماح هي كانت زميلته في الجامعه وكان بيحبها اوي وكان هيخطبها بس كان عنده جيش في الفتره دي فا اتفق معاها انه يخلص السنه بتاعت الجيش واول ما يخلص يتقدملها نزل اول اجازه وتاني اجازه رجع لقاها مكتوب كتابها علي ابن خالها وطلبت منه اني ميكلمهاش وينساها وفعلا هيما بعد عنها في الاول كان مضايق جدا وزعلان بس بعد ما خلص فتره الجيش كان رجع زي الاول واتحسن وكمل حياته عادي بس من وقتها محبش اي حد يمكن بيتعرف بيخرج لكن حب مفيش عشان كده قولتلك ممكن بكون معجب بيكي
ديما حرام يعني حبيبته اتجوزت وسابته هي كمان
دانه هي شكل شباب العيله دي ملهمش نصيب في الحب
دارين اتلمي
سماح لا بس في اختلاف هيما قدر يتخطي ده بسرعه اينعم هو في البدايه نفسيته كانت وحشه وجه عليه وقت كان وزنه نازل بطريقه مش معقوله لا بياكل ولا بيشرب وتعب كمان فتره بسبب قلة الاكل بس بعدها رجع تاني وقف علي رجله وشويه شويه بقي يهزر ويضحك ورجع لطبيعته لكن بصراحه انا في حياتي ما شوفتش ولا هشوف راجل حب وفضل جوه دايره الحب دي زي كيرو الراجل ده حب من قلبه وقليل اوي من الرجاله اللي بيعملوا كده انتوا متخيلين يعني ايه يفضل عشرين سنه عايش جوه قصه حب خاصه بيه هو مش ساهله خالص علي فكره
دارين يمكن هو بالنسبالي نموذج حقيقي مش موجود بس كمان انا مش بدافع عن مامي بس مامي للاسف مكانتش بتحبه يعني ده مش ذنبها
سماح عارفه انه مش ذنبها وده اللي بقوله الاهالي عندنا بتحشر مناخيرها في حياة ولادها كل واحد فيهم بيشوف المناسب والمريح ليه هو مش لولاده والمشكله الاكبر انهم ديما شايفين ان هما عارفين مصلحتنا اكتر مننا يمكن انا مع رأي الاهل وصحيح في اوقات بيبقس كلامهم ونصايحهم لينا صح جدا بس في اوقات بردوا
احنا بنكون صح
دانه انا رأي ان نصيحه الاهل مطلوبه بس المفروض القرار يكون في الاخر لينا يعني هما يقولوا رأيهم و وجهة نظرهم لكن ميبقاش إجبار سمعنا كلامهم ومشينا وراهم تمام مسمعناش وطلع هما اللي معاهم حق ادينا جربنا واتعلمنا لان الحياه في النهايه تجارب
سماح بالظبط بس مش هنقدر ننكر بردوا انهم بيحبونا من قلبهم بجد حتي لو كانوا غلطانين
دارين معاكي حق ودي حاجه محدش يقدر ينكرها
ديما طيب هو انا ممكن أسالك سؤال ومتزعليش مني
سماح اكيد طبعا
ديما هي صحيح مامتك بتحب كرم
بصوا البنات
لديما
دارين ديماااا
سماح سيبوها يا بنات تسأل بصي يا ديما انا من يوم ما وعيت علي الدنيا وانا بنسمع من كل الخلق عن حب سونه لكرم وياما سمعت بودني الناس بتتكلم عليها بس انا عارفه ومتأكده ان امي مش بتعمل حاجه غلط ولما
