ابن ليل بقلم الكاتبة اميرة اسامة
ابني
عمرو طبعا مش هقولكم متقلقوش علي سونه وانها هتبقي في عيني واني هعاملها معاملة الإسلام وكل الكلام ده لان بيتهيألي الفعل مع الوقت هيثبت كلامي وسعادتها قدامكم هي اللي هتثبتلكم اني بتقي ربنا فيها
وبردوا مش هنقول لسونه قدامكم اني عايزها اهم حاجه تعامل ولادي بطريقه كويسه ولا تعبترهم ولادها لان لو انا من البدايه مش واثق في النقطه دي مكانش زماني موجود هنا بالعكس سونه من قبل اي حاجه حبت ولادي واعتبرتهم زي سماح فا مش محتاج اوصيها عليهم انا واثق فيها
عمرو انا بس ليا طلب لسونه حابب نطلبه منها قدامكم
زكريا قول كل اللي في نفسك يا ابني
عمرو انا عرفت من سونه انها تحت اي ظرف مش بتسيب بيتها عشان خاطر تكون حاسه بآمان
هي وسماح طبعا حقها ومفيش حد فينا بيرتاح غير في بيته
رفاعي اكيد طبعا يا ابني
عمرو بس كمان انا ليا طلب انا حابب ابدأ بدايه جديده في حياتي كلها مع سونه ومش حابب اننا نتجوز في البيت بتاعها مش عشان اي حاجه بس هتكون تقيله عليا كراجل اني اعيش في بيت مش بيتي البيت ده بيت سماح بيت والدها واللي مش من حق اي راجل يشاركها فيه وده حقها
وكلامي ده مش معناه ان سماح مش هتبقي معانا لا سماح هتفضل معانا زيها زي مريم وياسين
انا وسونه هنكون ضيوف عليهم
والشقه الجديده هتبقي بتاعتهم هما التلاته مش بتاعتنا احنا
رفاعي ولو عالشقه في بدل الواحده تلاته في المنطقه هنا
عمرو مش هتفرق سونه وسماح والولاد يختاروا الشقه اللي تعجبهم لان هما اللي هيقعدوا فيها علي طول انا هنكون مجرد ضيف عليهم
نبيله ايوه يا ابني اللي بتقوله ده صراحه كلام زي الفل بس سونه هتقفل شقتها بس هتفضل موجوده انت هتقدر تبيع الشقه بتاعتك اللي ليك ذكريات فيها انا بنتكلم بس عشانك وعشان ولادك ميضايقوش
اني اسيبها افضل ليا لاني معنديش فيها ذكريات حلوه فا مش هتفرق
وانا زي ما قولت حابب أبدا مع سونه والولاد كل حاجه تكون جديده هبيع الشقه بالعفش وكل حاجه وسونه تختار الشقه المناسبه وتنزل تختار العفش اللي يعجبها هي و الولاد واظن ان كده افضل ليا وليها وللولاد هنعمل فيها ذكريات جديده وخاصه بينا لا هي تكون مضايقه ان الشقه دي كان فيها ست غيرها ولا انا احس اني مضايق ان الشقه كان فيها راجل غيري وكمان عشان محافظ علي خصوصيه سماح في شقه والدها
رفاعي عداك العيب بجد يا ابني انا عن نفسي شايف ان كلامك عين العقل وبيثبت انك حابب العلاقه تبدأ بطريقه حلوه
عمرو المهم الوقت رأي سونه وسماح كمان
سونه بإرتباك بصت لسماح
ابتسمت سماح ليها وهزت راسها بهدوء بمعني وافقي
سونه انا يعني معنديش اعتراض لو ده هيكون مناسب لينا كلنا فا اكيد انا موافقه خصوصا يعني اني هنفضل هنا في منطقتي وجنب الناس اللي في مقام اهلي
زكريا يبقي علي خيرة الله
بص كرم لحسن وهز راسه بمعني اتكلم
حسن احمممم طيب معلش يا جماعه انا عندي كلمتين وحابب الكل يسمعهم وميفهمنيش غلط خصوصا حضرتك يا دكتور
بصوله كلهم بمعني كلمتين ايه اللي عايز تقولهم
عمرو طبعا يا حسن اتفضل
نبيله كلمتين ايه اللي عايز تقولهم يا ولا
كرم بجديه بلبله سيبي حسن يتكلم واسمعوا اللي هيقوله كويس
حسن بص يا دكتور طبعا ربنا يعلم اني حبيتك وربنا يعلم كمان اني فرحتلك انت وسونه من قلبي وفرحت لسونه اكتر لانها تستاهل كل خير و ربنا عوضها بيك
عمرو حبيبي يا حسن تسلم
حسن عشان كده مش حابب انك تضايق من اللي هنقوله وحط روحك بس مكاني
عمرو قول يا حسن اكيد مش هنضايق منك
حسن المفروض ان انا وسماح معاد قرايه فتحتنا بعد ما نخلص امتحانات واحنا اهو خلصنا
عمرو لو تقصد يعني انكم عايزين تفرحوا الاول فا اكيد احنا لسه قدامنا شويه لحد ما نجهز كل حاجه
حسن لا يا دكتور مش دي القصه طبعا كل الحكايه اني بعد اذن جدي واذن الكل واذنك يا سونه
انا حابب ان
بدل ما نقرأ فاتحه ان الموضوع افضل يكون جواز
بصتله سماح پصدمه وكلهم بصوله حتي الشباب مكانوش فاهمين حاجه
سونه جواز الوقت يا حسن
حسن اه يا سونه انا السنادي كانت اخر سنه ليا الشقه بتاعتي موجوده تجهيزها فلوسه حاضره
وسماح مش باقي علي دراستها غير سنه وانتي اكيد مش محتاجه تسمعي مني وعد باني نخليها تكمل دراستها لان انتي عارفه اني مش هنعمل غير كده ويهمني مستقبل سماح زي ما يهمك
رفاعي ايوه يا ابني بس ليه الاستعجال انت يا دوب مخلص وهي باقيلها سنه اعمل حاجتك في الشقه براحتك تكون هي خلصت وبعدين تتجوزوا
حسن مش هنقدر يا عم رفاعي وعشان نخلي كلامي واضح اكتر ونتكلم دوغري متزعلش مني يا دكتور سماح دي انا بنحبها من وانا صغير بس انت اكيد فاهم ان الحب بيتغير مع كل سن زمان لما سونه كانت متجوزه مكانش بيفرق معايا وجود سماح مع راجل غريب غير ابوها وهي كمان كانت بتتعامل عادي بس الوقت انا كبرت وسماح مبقتش طفله وانا مش هنقدر وكلامي ده مش معناه حاجه وحشه ليك والله العظيم ابدا انا بس بنحاول نوضحلك شعوري مش هينفع نقولكم تأجلوا جوازكم لحد ما سماح تتخرج ونتجوزها ولا هينفع نقول لسماح تفضل لوحدها في شقة ابوها لان الاصول بتقول مينفعش وانا مش هنطمن عليها في البيت لوحدها
وكمان مش هنقدر ان سماح تكون معاكم سامحني يا دكتور انت اكيد مقدر شعوري
عمرو بإبتسامه انا مش مضايق يا حسن ولا زعلان بالعكس انا بنحييك علي صراحتك ومش بس كده انا نتمني لما بنتي تكبر نصيبها يوقعها في شاب زيك بيحبها وبيخاف عليها وبيغير عليها
حسن بإبتسامه حبيبي يا دكتور كل اللي حابب نقوله ان مش انت المقصود بكلامي ده لان ده كان هيبقي موقفي حتي لو مع حد غيرك زي ما قولتلك حبي لسماح زمان كان وضع والوقت بقي وضع تاني عشان كده انا حابب اسمع رأيك يا سونه ولو موافقه من بكره هبدأ شغل في الشقه وهنخلصها علي طول وسماح تنزل تختار كل اللي هي عيزاه وشهر او شهر ونص نكون متجوزين تكونوا انتوا في الفتره دي بعتوا الشقه وخدتوا الشقه الجديده وفرشتوها
بص رفاعي لزكريا بهدوء وابتسم وهز راسه
عبدالله قولتي ايه يا سونه وقبل ما تردي كلام حسن و وعده ليكي في ان سماح تكمل دراستها كوم وكلمتي انا معاكي كوم تاني
سونه بلغبطه كانت بصالهم ومش عارفه تقول ايه ااا انا واثقه في حسن وعارفه انه بيحب سماح واكيد معنديش اعتراض انا نفسي نفرح ببنتي انهارده قبل بكره بس كمان انا خاېفه الجواز والمسؤوليه يخلوها ڠصب عنها تهمل دراستها
حسن اعتبريها يا سونه مش هتشيل اي مسؤوليه لحد ما تاخد شهادتها وصدقيني انا هلتزم بكلمتي معاكي قولتي ايه
بصت سونه لسماح كانت سماح باصه احسن پصدمه ومش عارفه تنطق
سونه قولتي ايه ياسماح
وفجأه وقعت سماح في نفس الإحراج اللي كانت فيه سونه من شويه
كرم بإبتسامه بيتهيألي السكوت علامة الرضا يا سونه ولا ايه يا سماح
بصتله سماح ومنطقتش مش عارفه تفرح ولا تفضل مصدومه ولا تعمل ايه
زكريا ايه يا سماح موافقه
بصت سماح لزكريا بإحراج وابتسمت بهدوء واكتفت بهز راسها
ابتسم حسن بسعاده وفي الوقت ده الكل باركلهم
عمرو بارك لحسن بحب ومكانش مضايق منه بالعكس احترم صراحته جدا
حسن بإحراج همس لعمرو بالله عليك متزعل مني يا دكتور اصل بصراحه كده انت اصغر حد اتقدم لسونه وانا شاب وبغير بردوا
عمرو بضحك وانا مش زعلان منك يا حسن ولو عالشكل علي فكره انا مش صغير وميغركش العيال ولادي ان سنهم صغير انا متجوز كبير شويه بس عايز نقولك حاجه انت مع الوقت هتثق فيا وتطمن ان سماح هتكون زي بنتي انا اكبر من سونه يعني لو كنت اتجوزت بدري كان زمان معايا ولاد قدها بس يلا مش هنزعل منك علي الاقل فرحتني لما ادتني سن صغير
ضحك حسن وضم عمرو وطبطب علي ضهره حبيبي يا دكتور وانا عارف ان انت ثقه واعتبرني يا عم بنتلكك عشان نتجوزها دي حب الطفوله يا ناس
ضحك عمرو وحب حسن انه يجيبها بطريقه مضحكه ولذيذه عشان ميحرجهوش وتقبل عمرو بصدر رحب كلام عمرو
قرب حسن من جده ابتسم زكريا
وهمسله بهدوء
زكريا راجل يا ولا تستاهل تكون حفيد الجمال
حسن حييبي يا جدي تربيتك
سابه وراح جنب سماح اللي كانت مبتسمه وسعيده وفي نفس الوقت متلغبطه
حسن بضحك مبروك يا عروسه
سماح ودين محمد يا حسن لا هنقتلك علي المفجأه اللي عملتها دي
حسن طب بزمتك مش مفجأه حلوه خطفه كده سريعه
سماح بحب بنحبك يا رخم
حسن وانا بنحبك اكتر يابت
دانه بضحك قربت راسها من وسطهم نجيب ليمون
سماح انتي كنتي عارفه يابت
حسن طب بزمتك دي لو تعرف كانت سكتت
دانه بضحك اهو قالك والله ما كنت اعرف السوسه ده خبي علينا او عليا انا بالذات
دارين مبروووووك
سماح الله يبارك فيكي يا قلبي عقبالك
دارين بإبتسامه يارب
بعد المباركات لسونه وسماح وحسن وعمرو قعدوا وجه معاد دره عشان تختم اليوم بخبر سعيد
دره طيب ركزوا معايا بقي كده شويه وخليني اختم اليوم الحلو ده بمفجأه حلوه واثقه انها هتفرحكم
نبيله مفجأه ايه يا دره
زكريا خير يا بنتي
ابتسمت دره وبصتلهم وبصت للبنات
دره من كام اسبوع چاك كلمني وقالي انه لقي مستثمر يشتري نصيبي في الشركات وفعلا خلص معاه كل حاجه وكان ناقص بس علي تحويل الفلوس وطول الفتره اللي فاتت چاك كان شغال وانا محبتش نقولكم غير لما كل حقي يبقي بين ايديا والحمد لله كل حاجه اتباعت وكل الفلوس اتحولت لحسابي خلاص
دارين بجد يا مامي
دانه وخبيتي كل ده
دره مفيش حد كان عارف غير كرم والحقيقه من غيره مكانش في حاجه هتحصل بالسرعه دي
ديما يعني كده كل
