ابن ليل بقلم الكاتبة اميرة اسامة

ده احسن ليهم من الجو هنا 
دره لا معلش خليهم علي الاقل لما اطمن ان يوسف مشي وسافر انا مش هقدر اطمن عليهم طول ما هو لسه هنا 
عبدالله ايه هيجي جنبهم مثلا طب يجرب 
نبيله والنبي ده يبقي يومه اسود لو فكر يعملها 
نجوي مټخافيش احنا معاهم وهو اكيد متجننش لدرجه انه يأذي بناته يعني
بكر الله اعلم يا نوجا بنوايا عموما دره بتتكلم صح خليهم هنا لحد ما الكل يخرج ودره تخرج تفضل معاهم في البيت كام يوم واول ما يمشي نطمن

كرم خليه يجرب وانا هشيله من علي وش الدنيا بس تمام خليهم تحت عيني انا وانتي 
دره تمام 
كرم يلا بقي نخرج وخليهم مع بعض 
دره يلا بينا 
دعاء هو فين حسن يا عبدالله
عبدالله مش عارف من وقت نا خرج مرجعش 
بكر شوفته قالي رايح يطمن علي الولا منكش 
دعاء فيه الخير صحيح هو عامل ايه 
بكر زي القرد كويس 
خرجوا كلهم وسابوا البنات والشباب مع بعض
قرب هيما من دارين بتعب وراح احمد قعد مع ديما ومحمد ودانه
هيما انتي كويسه 
دارين الحمد لله انت رجلك عامله ايه
هيما بخير مسك ايدها وباسها بحب وحشتيني 
دارين بإبتسامه حب وانت كمان وحشتني اوي يا هيما 
هيما بصلها وابتسم ونسي وجعه يا اللللللللللله اخيرا
ضحكت دارين بإحراج وهي ماسكه ايده 
هيما لو نعرف انك هتنطقي كنت عملت الحاډثه دي من زمان 
دارين بعد السر عليك انا لما فوقت وعرفت انك انت كمان تعبت وعملت عمليه كنت هتجنن عليك وكنت محتجالك اوي
هيما طب والله ما مصدق ودني حرام عليكي تعبتيني انا جنبك يا احلي دارين في الدنيا كلها وان شاء الله هتبقي كويسه ومش هنخرج من هنا غير وايدي في ايدك 
دارين إن شاء الله
محمد بصوت واطي لدانه 
محمد انتي كويسه 
دانه بصتله بحزن مش عارفه
محمد انسي يا دانه ومتفكريش في اي حاجه
دانه ممكن اطلب منك طلب
محمد طبعا
دانه خليك جنبي يا محمد انا محتجاك اوي حاسه ان قلبي واجعني
محمد سلامه قلبك من الۏجع انا جنبك يا دانه وهنفضل جنبك انا بحبك يا دانه
ابتسمت دانه بهدوء وفضلت بصاله
في العربيه مع حسن 
يوسف پغضب وعصبيه بقولك هو ده كل اللي حصل انا اتفاجئت من رد فعل البنات سكت ثواني ورد عليها 
يعني كنتي عيزاني اعمل ايه بقولك انا في لحظه حسيت ان بطولي قدام الكل ومعرفتش اتكلم ولو كنت اتكلمت انا واثق اني مكنتش هخرج سليم البنات كنت فاكر انهم كارت ربحان بالنسبالي بس هما كمان كانوا في صف امهم
سكت ثواني وبعدين رد عليها 
لسه مش عارف يا دينا لازم اقعد وافكر في طريقه انا مش راجع من هنا غير وهي متنازله عن القضيه دره لو خدت الفلوس دي احنا هنخسر كتير اوي وانا معنديش استعداد اخسر حاجه من اللي وصلتلها دي ده علي چثتي لازم الاقي طريقه اضغط بيها عليها عشان تتنازل
سكت ثواني وبعدين رد
انتي بتهرجي اكيد لا البنات مستحيل ولو مشيت وراء كلامك تفتكري دره طول ما انا هنا هتسيبهم لوحدهم مستحيل طبعا عموما انا خدت رقم الست اللي قولتلك عليها واكيد لما اوصل لحل مناسب هكلمها وهي اللي هتساعدني
سكت يسمعها وبعدين رد
لا متقلقيش واضح اوي انها مش بتطيقها وتتمني انها تكسرها وټنتقم منها وهي دي اللي هتساعدني في اللي بنفكر فيه وكمان
دينااااا انا قولتلك الف مره اللي لتقوليه ده مش هيحصل من البدايه خالص قولتلك ان مفيش مليم هكتبه بأسمك لا تقولي بقي عشان نبقي في امان ولا نطمن وبعدين انتي مش واثقه فيا بعد كل ده ده انا سيبتها وسيبت البنات عشانك فا متجيش بعد كل ده تقوليلي اتنازل عشان مش هيحصل 
سكت ثواني
انا هادي بس بلاش انتي تستفزيني اطمني الفلوس هتفضل معانا والقضيه دره هتتنازل عنها ڠصب عنها واكيد هلاقي اللي يوجعها ويجبرها علي التنازل وعموما انا مضطر افضل هنا زي ما قولتلك مس هرجع غير وانا قافل الصفحه دي للنهايه 
تمام يا دينا هبقي اكلمك تاني يلا سلام 
قفل يوسف الموبايل وبص من الشباك 
حسن عينه كانت عليه في المرايه بكل ڠضب وهمس بهدوء اه يا ابن الكلب وحياه امك لا هترجع فعلا بس وانت علي الحديده 
وصل حسن قدام الفندق
حسن حمد الله علي السلامه ياباشا
يوسف الله يسلمك
حسن بنقولك يا باشا يعني الجو اليومين دول مريح معايا في الشغل فا كنت بنقول يعني لو تحب يكون معاك سواق انا في الخدمه واي وقت هتحتاجني انا موجود 
يوسف ياريت بيتهيألي اني هحتاج حد يكون معايا في اي مشاوير اروحها وميسبنيش طول اليوم انت اسمك ايه 
حسن بطريقه خدامك حسن يا باشا
يوسف تمام يا ابو علي سجلي رقمي بقي ورم عليا عشان نسجله ووقت ما نحتاجك نكلمك
يوسف بفرحه مصطنعه ربنا يخليك يارب يا باشا ويسترها معاك يارب ومتقلقش انا في رجلك منين ما تحتاجني هنقولك شبيك لبيك 
خد منه الرقم ورن عليه 
حسن رقمي بقي عندم يا باشا كلمني اي وقت الصبح بليل مش هتفرق هتلاقيني قصادك
يوسف بإتسامه تمام يا ابوعلي بس قولي هو مش غلط عليك ده يعني انك بتشتغل بره الابلكيشن 
حسن بضحك لا انت في مصر ياباشا احنا هنا اوقات كتير بنقفل الابلكيشن وبندور علي زباينا بطريقتنا زي ما وصلت جنابك كده واوقات ربنا بيوقعنا في ناس حلوه زي حضرتك كده بنتفق معاهم وبنبقي سواقين خصوصي ليهم وطول ما انا قافل الابلكيشن انا في امان متقلقش بنعرفوا نصرفوا روحنا يعني 
يوسف بضحك مطلعتش سهل انت يا ابو علي
حسن والله يا باشا ده عرف وداير علي سواقين الاوبر كلهم وادينا بنجروا علي اكل عيشنا 
يوسف انت ايه اللي خړشمك كده يا ابو علي
حسن اصل انا كنت في الحاډثه اللي حصلت دي سعادتك كانت العربيه بايظه وكنت رايح نجيب قطع غيار ليها وحظي المهمم خلاني في الحاډثه دي وحصل اللي حصل كان يوم مهبب اللي لا يعيده الحاډثه كانت صعبه وخدت في رجلها ناس كتير بس الحمد لله فلت منها عمر الشقي بقي زي ما بيقولوا 
يوسف يلا حمد الله علي سلامتك واستني مني اي تليفون واهم حاجه مبنحبش التأخير انا مواعيدي مظبوطه يا ابو علي
حسن وانا تظبط عليا الساعه انت بس
قولي يا حسن هتلاقيني بنقولك انا مستنيك 
يوسف بإبتسامه تمام يا ابو علي يلا خد حسابك 
حسن بس ده كتير يا باشا 
يوسف حلال عليك يلا سلام 
حسن من يد ما نعدمها ياباشا استني بس هتعمل ايه
نزل حسن بسرعه فتحله الباب
حسن اتفضل اتفضل يا باشا مصر 
ابتسم يوسف وطبطب علي كتفه وسابه ودخل علي الفندق 
حسن اختفت من وشه الابتسامه 
اتفووووو عليك وعلي اللي جابك ده انت هتترفع يا ابن الو  
بص للفلوس يلا اللي يجي منك احسن منك حق عمتي وبناتها يا ابن الصرمه 
بعد حوالي ساعه اتجمعوا في مكتب دره 
حكيتلهم سونه علي كل اللي حصل وحكالهم حسن علي اللي عمله 
بكر بضحك مش قولتلك يا درهاختياري للواطي ده طلع صح سواق اوبر يا صرمه
حسن بضحك الفكره طقت في نافوخي قولت مبدهاش وطلعت ب 300 جني خدي يا دره دي فلوسك
دره بإبتسامه لا ده حقك انت واي فلوس هتاخدها حلال عليك وفكره الاوبر دي فكره معلم جدع يا ولا بكده بقي هنعرف نبقي معاه لحظه بلحظه 
حسن لازم تخلي بالك انا حكيتلك اللي سمعته كله مش ناوي علي خير 
دره لا متقلقش بعد اللي قاله لسونه وليك الفكره ظبطت في دماغي واوعدكم ان يوسف هيمشي من هنا زي ما خرجنا من البلد معاه شنطه هدومه ومعه تيكت الطياره 
سونه والنبي هدومه خساره فيه انا لو مكانك حتي الطياره ميركبهاش ده يسافر علي عربيه كارو
ساحبها حمار
ضحكوا كلهم وابتسمت دره بشړ
دره قولتها يا يوسف واللي خلقني وخلقك لا هناخد منك كل مليم وهنعرفك ان اللي يجي علي بنت الجمال يستحمل شيطانها
وللحديث بقيه 
أبن ليل
صاحبة البطل الواحد
أميره اسامه
البارت الرابع والأربعون 
أنتهي اليوم بعد ما حسن رجع و حكالهم علي اللي حصل و بلغتهم سونه بكلامها و أتفاقها مع يوسف
الخطه كانت ماشيه زي ما اتفقوا 
ويمكن زادت تمكن بعد اللي عملوا حسن مع يوسف و أتأكدت دره ان اختيار بكر ليهم كان موفق ويمكن وجودهم مع بكر طمنها أكتر وحست انها مش لوحدها بعد موقف الجميع وخصوصا موقف بناتها أرتاحت دره اكتر و هديت كتير عن الاول وبدأ ذهنها يصفي وتفكر بطريقه صح ثقتها رجعت في نفسها بعد ما حست انها مش لوحدها وحست بدعم من الكل
وعلي قد كميه الۏجع اللي كانت جواها من كل الاحداث اللي حصلت في اخر كام يوم لكن قدرت تتخطي الۏجع وتفوق لنفسها بعد وقوف الجميع معاها 
اوقات كميه الۏجع اللي جوانا ممكن تدوب زي التلج بمجرد طبطبه او كلمه حلوه تحسسك انك مش لوحدك 
مشي الجميع من المستشفي خدت سونه مريم من عمرو وفضلت دره وكرم وبكر ومها 
اليوم انتهي حسن وبكر عينهم كانت مفتحه علي قد ما يقدروا
رغم ان في امن في المستشفي واكيد يوسف مش هتجيله الجرأه انه يرجع تاني لكن قرروا انهم يخلوا بالهم علي قد ما يقدروا
عشان الغلطه في الخطه دي بفوره 
ولازم تمشي بالمللي زي ما خططوا 
في صباح يوم جديد اليوم كان ماشي هادي علي الجميع يوسف متصلش بدره هو كمان كان بيفكر ومحتاج يقعد مع نفسه عشان يقدر هو كمان ينفذ الخطه اللي هيجبر بيها دره علي التنازل 
قالوها زمان الكثره تغلب الشجاعه
ودي كانت نقطة ضعف يوسف الوحيده انه لوحده عكس دره اللي معاها الكل 
يوسف كان نازل وفاكر انه ممكن يستعطف دره ويضحك عليها بكلمتين وعشان هي طيبه هيصعب عليها وهتسامحه وتصدق انه هيديها حقها بس لما يخلص من الدين اللي عليه ويخلص نفسه من المستثمر الوهمي اللي قالها عليه لكن لما لقاها واقفه قدامه بكل قوه وطريقتها كمان اتغيرت معاه عرف ان خطته اكيد مش هتجيب معاها نتيجيه دره جواها شحنه ڠضب كبيره منه خيانته ليها مع دينا كانت اقوي من سرقته ودي حاجه الست لا يمكن تتغاضي عنها الست ممكن تسامح في اي حاجه إلا كسر كرامتها و ذلها واتفاجئ يوسف بدره جديده خالص عليه
عشان كده قرر يستبدل خطته بخطه اكثر وقاحه و قذاره خطه تطلع من واحد معډوم الضمير مش من أب
مش ديما الخير بينتصر 
ولا ديما الشړ بينتصر العلاقه بين الخير والشړ علاقه نسبيه لا نقدر نعرف ليه ربنا نصر الخير علي الشړ ولا ليه نصر الشړ علي الخير
ديما في حكمه وراء قدر ربنا ومش معني ان الشړ ينتصر ان ربنا بيجي علي المظلوم لان لو طال الزمن حق المظلوم راجع راجع ويوم رد المظالم هنكتشف من غير مجهود حكمه ربنا في انه يسيب الظالم عايش حياته كل الوقت ده من غير عقاپ 
خرجت ديما من الاوضه وراحت اوضه الشباب محمد كام بيعمل اشعه عشان يطمنوا علي عينه وحسن واخد هيما بيمشيه شويه هو وبكر 
خبطت ديما وابتسمت لمها 
ديما صباح الخير 
مها صباح الفل تعالي يا ديما
احمد صباح الخير تعالي 
ديما زهقت وجيت اشوفكم 
مها تعالي يا حبيبتي دره فين
ديما كانت عندنا من شويه بس نزلت تشوف