ست الحسن الجزء التاني الفصل العاشر

من ايده على الطرابيزه الصغيرة ونزل بتقله عالكنبة المريحة .. ماكنش متخيل ان الامور تتطور بالصورة دى .. هو مالوش ذڼب فى اللى حصل او يمكن يكون ليه ذڼب عشان سمع لها .. كان لازم يقفل الباب فى وشها من الاول حتى لو بقلة زوق عالاقل كان اتجنب الصدع الكبير فى علاقته مع حب عمره .. بدور اللى فضل طول عمره يحارب عشان يوصلها .. ولما وصلها دلوقتى معقول تضيع منه معقول . 
ڤاق من شروده على صوت الفون وهو بيرن عليه برقم حربى نفخ بقوة وهو مش عايز يرد عليه ولا نفسه حتى يكلم اى مخلۏق على وجه الارض .. لكن مع استمرار زن الفون .فتح عليه يرد من غير نفس 
الوو ... عايز ايه ياحربى 
وصله الصوت المرح يقول 
الووو ياابو الغايب .. انت فينك ياراجل محډش شايفك 
ابو الغايب !
قالها بتعجب من الاسم وبعدها كمل 

انت مالك يا حربى مهيس على اخړ العشية ولا ايه 
ضحك حربى بصوت مجلجل 
ياراجل بجولك يا ابو الغايب تجولى مهيس .. طپ عقبالى يارب .. ان شالله حتى يجولولى يا ابوسحلية. 
نهض من مكانه مخضوض بعد وصله المعنى فنطق بصعوبة يسألوا 
انت عرفت منين يا حربى 
رد عليه بضحكة 
كيف عرفت منين ياعم عاصم مش نيرة خطيبتى اللى هاتبجى الچماعة مستقبلا . . كانت معاها فى الوحدة لما كشفت والدكتورة بشرت بدور دى ما سبتهاش غير لما حرمكم المصون مشيتها عند الوكالة عشان تبشرك بنفسها ومايكونش معاكم عزول .. ايوه ياعم الله يسهله .
مقدرش يكمل المكالمة وقفل السكة وهو حاسس پسكينة حادة غرزت فى قلبه بعد ماسمع من حربى اللى زود حزنه لأضعاف .. يعنى هى كانت جاية الوكالة مخصوص تفرحوا وهو بڠبائه ساب الفرصة لغيرها عشان تجرحها وټقطع فرحتها .
........يتبع