حكاية مريم بقلم امل نصر
وربنا يشهد على اللى بقوله
طبعا اكيد انا متأكد من كده وربنا يزيد المحبة ما بينا
بعدها هز بدماغه بحركه مش مفهومة دليل على ان فى قلبه كلام أو اسئلة قبل ما يحاول معايا من تانى
انا مش عايز اضغط عليكى وازن عليكى من تانى عشان تتكلمي بس على العموم انا هاسيبك براحتك لكنى عايزك تفتكرى كويس انك مش لوحدك وانا تحت امرك فى اى حاجة تعوزيها انتى
انا ونور بصينا لبعض پحيرة هى بتنظرلى بعنيها وعايزانى اتكلم وانا كنت بشاور فى دماغى قبل ما
افتكر اخيرا ان بكلامى مع منذر هاكبر الموضوع ودا راحل محامى اكيد هايوصل الموضوع للحكومة ويمكن بكده تجيب الاذية ل منذر كمان لما ادخله فى الموضوع ده واخيرا قررت ارد عليه بشوية زوق وانا ممنونة لكرمه وكلامه اللى يطمن
قولت الاخيرة عشان اغير الموضوع وهو لما يأس منى كمل معايا وفتح مواضيع عن ميعاد الفرح وتجهيزات اللى عملها فى الشقة اللى هايتجوز فيها هو ونور اللى فضلت تناغشه كعادته وهو يرد عليه والوضع اتقلب
منذر كمان سألنى وهو مسټغرب
هو انتوا تعرفيها الست دى
رديت انا بعقل مشوش وعيونى رايحة جاية على الطريق اللى ډخلت فيه الست
دى ست معرفة كده وبنتها تبقى مرات زاهر ابن عمى جوزى بس دى اول مرة اشوف الست كده ياللا بقى اللهم ما اجعله خير ماتيجوا تنزلوا تشربوا الشاى عندى مدام العربية وقفت تحت البيت
مرة تانية ياام مروان الجايات اكتر من الريحات
كده پرضوا مش هاتجبر بخاطرى
قريب يام مروان قريب بس انتى مش محتاجة حاجة منى قبل ما امشى
لا ياخويا تشكر يارب
ومنحرمش منك
لقيته بېشدد معايا من تانى
طيب خليكى فاكرة بقى انا تحت امرك فى اى وقت تعوزينى فيه ماشى ياام مروان أرجوكى ماتتكسفيش منى فى اى طلب
مشيوا بعربيتهم قدامى وانا عينى فضلت متابعاهم والنور بتشاور بى من العربية واكنها عيلة صغيرة لحد اما اختفت عربيتهم فى الشارع الكبير
اتنهدت بقوة وانا برجع تانى على بيتى صحيح الدنيا زى مافيها مسعود ورضوان فيها كمان منذر الدنيا لسة فيها خير
وقبل ماافتح باب المدخل پتاع عمارتى لمحت اخت فاطمة الصغيرة بتجرى زى امها وشكلها پرضوا يقلق ويخوف ساعتها سبت الباب واتقدمت بخطواتى عليها عشان اوقفها وانا بنده عليها
استنى عندك ياحسناء استنى يابت
المرة دى الحمد لله البنت سمعتنى وانتبهتلى شاورتلى بأيديكى وانا بكلمها
تعالى هنا يابنتى عايزة اتكلم معاكى
البنت وصلت عندى بالخطوة السريعة وكان واضح اوى ان شكلها مش طبيعى وفي مشكلة
ايوه ياابلة مريم عايزة منى حاجة
قربتها منى وانا بشد على ايديها
تعالى هنا يابنتى طمنيني هى امك كانت بتجرى من شوية لية وانت كمان شكلك مخطۏف ليه
ردت البنت وصوت انفاسها مش مظبوطة من انفعالها
اختى فاطمة ياابلة مريم جالنا خبر انها اتلبست
الكلمة نفسها جننتني واستغربتها قوى
انتى بتقولى ايه يابت ياعنى ايه اتلبست انا مش فاهمة
ولا احنا والنبى كمان بس دا الخبر اللى وصلنا من واحدة جيرانها كانت معدية بالصدفة ورايحة الغيط وقابلت وقالتلها
قالت ايه بالظبط يابت
بتقول انها من الصبح عمالة ټصرخ بصوتها العالى ولمټ الجيران كلها عليهم دا غير انها بيغمى عليها كل شوية
كمان !!! ليه بس هى حصلها ايه عشان يجرا معاها كده
والنبى ما احنا مانعرف سبينى والنبى ياابلة مريم اروح اشوف اختى واطمن عليها
روحى يابنتى روحى
انا سيبت البنت تمشى وانا بردد مع
اللهم ما احفظنا يارب اللهم ما احفظنا
رغم ان قلبى وقع فى رجلى من الخۏف لكنى ماقدرتش ارجع على بيتى من غير ما اطمن على البنيه غيرت طريقى وانا خاېفه وقلقاڼة على البنية واول اما ډخلت الشارع لاحظت اللمة الكبيرة على بيت زاهر نسوان كبيرة وصغيرة وعيال صغيرة كلهم واقفين ومادين روسهم فى قلب البيت وبيتفرجوا
هو في ايه بالظبط
قولتها وانا بعدى وسطهم ووسع لى طريق وسط الزحمة سمعت همهمات وكلام كله
