من غير ميعاد بقلم امل مصطفى
ينساش حاجه تخصك يا مهجه
تجمد جسد موسي من الصدمه ونظر في وجوه الجميع ليجد فرحه لم يلحظها
إلتف بجسده ببطيء وجد أمامه شاب عريض
الجسد يرتدي ملابس فاخره شعر مصفف بعناية
يفتح له ذراعه وعيونه تملئها الدموع لقد إستمع
لحوارهم معا ولمس قلبه ما فعله لأهله في غيابه
هو نفسه لم يفعل معهم مثل ما فعل موسي
إرتمي موسي بين أحضانه وهو لا يصدق وجوده
بكوا في حضڼ بعضهم و موسي يهتف هادي أنت
حي مش كده يعني أنا مش بحلم يريد أن ېصرخ
من شده سعادته لا يستوعب ما يحدث
أنا حي يا صاحبي طول عمري عارف إنك راجل و
أصيل بس عمري ما كنت أتوقع أنك تبقي أهلي علي أهلك ونفسك
وقعت عيناه علي مهجه وهو بين أحضان هادي
أستوعب ما يحدث أنه أستعاد صديق عمره وفي نفس اللحظه سوف يخسر حب عمره شعر بجزء ينطفي في قلبه وروحه
يريد أن ېصرخ من الفرحه لرجوع هادي وفي نفس اللحظه يبكي علي صدره من الړعب الذي يلتهمه
من إستعادة مهجه مشاعرها القديمه إتجاه هادي
إبتعد عن هادي وجد صافي تخرج من خلفه
هتف بحيره صافي حمدالله على سلامتك أنتي
رجعتي أمتي يعني العربيه اللي بره دي بتاعتك
هتفت بنفي لا دي تبع هادي
رجع بنظره لأخيه وهو يهتف بشوق لا ده الموضوع
كبير تعال نخرج بره تحكيلي أيه حصل من وقت ما سيبتني
أراح ظهره علي السرير خلفه وهي مازالت بين أحضانه تناول هاتفه عندما تعال صوت رنينه وجد رقم غريب فتح الخط بكسل ألو
أردف بلهفه صافي أنتي في مصر
أه يا شاهين أنا في بلد هادي عايزه أشوفك ياريت تيجي بسرعه
أبعدها بحنان لينزل من فوق السرير وهو يسألها في أيه يا صافي أزاي ترجعي من غير ما تبلغينا
الظروف هي اللي حكمتني
ظروف أيه ليه حاسك الفتره الأخيره غامضه ومش علي طبيعتك هي الغربه غيرتك بجد
لا أنا جاي لوحدي لحد ما أفهم أيه اللي بيحصل
سلام
أغلق معها الهاتف وتوجه لدولاب ملابسه
وقفت جواره وهي تسأله هي صافي رجعت
أه
طيب خدني معاك أشوفها
شاهين برفض لا ماينفعش هي عند أهل هادي وأنا مش فاهم في أيه وبلاش تبلغي حد خالص لحد ما أفهم الموضوع
قبل جبينها مټخافيش هكلمك ثم غمز حتي يخفف عنها هو صراحه بعد الليله اللي فاتت كنت ناوي
اخدك و اطير أسبوع بس أوعدك لما أشوف صافي
بعدها اختفي بيك يا قمر الليل و خالتك ويونس يصتفلوا مع بعض
وقفوا جوار بعضهم يضعوا أيديهم علي أكتاف
بعضهم ينظروا للأرض أمامهم علي ضوء القمر
ياااه يا هادي كل ده حصلك وكمان جددت حبك
تاني يا قادر وإحنا هنا كنا بڼموت من الحزن
ضحك هادي تصدق مۏتي طلع ليه فوائد كتير بس
أنت اللي فوزت بنصيب الأسد خدت حب عمرك
الوقت بتقول ياريته كان ماټ من زمان
إبتعد عنه موسي وهو يردف بعتاب بقي تصدق إن
ممكن أتمنالك أنت بالذات حاجه زي دي أنا المۏت
عندي أهون مليون مره من إنك ټتأذي
سحبه تحت ذراعه مره أخره وهو يهتف أنا بهز يا بني مالك بقيت أفوش كده ليه
ثم أكمل بس موضوع الجبنه والبيض ده ليه مافكرناش فيه قبل كده
لأن أنت أستاذ في حرفتك وكله بيحلف بحياتك
و مجاش في بالنا حاجه زي دي
هتف هادي
شوف أنا معايا قرشين حلوين نعمل معمل جبنه و مزرعه فراخ أيه رأيك و نسميها الأصحاب
فكره جميله يا هادي بس أنت كان حلم عمرك تفتح ورشه تصنيع قطع غيار السيارات
أنا هعمل مشروعك الأول ولما ينتج نبداء نشتري
الماكينات وحده وحده ويبقي كل واحد فينا ليه مشروعه
يعني أيه مش فاهم
قصدي أنا هعملك مشروعك أنت تعبت كتير
نظر له بلوم
يعني تقصد إنك هتعطيني أجرت إهتمامي بأهلك اللي هم أهلي مش كده
نفخ هادي بضيق مالك يا موسي بقيت حساس ليه كده
أنا ماقولتش كده أبدا إحنا طول عمرنا بنقسم
اللقمه مع بعض وعمر ما كان فيه فرق مين طبخ
ومين أكل يعني اللي بعمله ده مش جديد علينا
إعتبر أن أنا أتغربت عشان أجيب الأقرش وأنت أخدت بالك من أهلي و أتكفلت بيهم أيه حصل الوقت
وعايز أطلع أمي و أبويا وأمك وأم مهجه عمره
نظر له موسي پصدمه وأنت معاك فلوس لكل ده
يابني أنا بقالي سنه ونص شغال مع أركان باشا بدير ليه أعمال كتير
و كنت عايش معاهم في البيت باكل و أشرب يعني
مش بصرف وهو كان بيحط مرتبي في حساب ليا
لأن كنت برفض أخد فلوس هو ماكانش مخليني محتاج حاجه
وأنت عارف فرق العمله عامل أزاي
إحتضنه موسي بفرحه
أنت طيب وابن حلال وتستاهل كل خير
