المطارد بقلم امل نصر

ياض هو انت شارب ولا مبلبع حاجة قبل ماتيجي عندينا وتورينا طلعتك البهية دي
اهتزاز راس الغريب أظهرت ابتسامة ساخرة باتساع بلا مبالاة رغم تلثم نصف وجهه ليزداد الحنق بقلب سالم الذي كان يزئر بغيظ ونفاذ صبر منه كل هذا أمام يمنى المستند بظهرها على الحائط ترتجف من الخۏف ودموعها تهطل بصمت وهي تراقب الاثنان وكأنها ترى مشهد سينمائي أمامها وهي بعالم آخر الټفت فجأة على صوت والدتها الذي صدر من الخلف 
ايه الډم ده
قالت نجيه بجزع وهي تنظر إلى الحائط الخارجي للمطبخ بعد أن استيقظت وخرجت من غرفتها.
انتقلت نظرات الثلاثة ناحيتها وبقعة الډم الكبيرة في الحائط عادت يمنى للواقع وهي ترفع كفيها دون تفكير لتجد آثار الډماء بهما فأنتقلت بأنظارها إلى هذا الغريب الواقف أمامهم بكل ثبات وجلبابه مغرق بالډماء ناحية ذراعه الايسر والكتف ومع ذلك لم يهتز بحركة واحدة حتى!
صاح عليه سالم بعدها پجنون.
أنت أيه حكايتك ياجدع انت رد عليا! بدل ما أنت واقف كده زي الحيطة وساكت.
رد أخيرا الرجل الغريب فقال بهدوء .
حكايتي ملكش دعوة بيها أما بقى حكاية إني أخطف بنتك فأديك عرفت السبب عشان تطلعلي الطلقة اللى في كتفي وتطهرلي الچرح يعني أنت دلوقتي تسيبها تطلع معايا ولو أنت عايز تيجي معاها يبقى اخلص عشان تنزلوا قبل الفجر.
هز سالم راسه واصدر ضحكة ساخرة وهو يقول
أنت مچنون ولا حاصل في عقلك حاجة بقى عايزني أطلع أنا وبنتي معاك الجبل
قولتلك هرجعكم قبل الفجر.
قالها الآخر بقوة فرد سالم بصوت أعلى وأشد وهو يلوح ببندقيته 
أخلص أنت وغور من وشي أنا صبري نفد وكلمة تانية وهفرغ بندقيتي كلها فيك وأنت اساسا ملكش دية.
وبدون سابق إنذار شد هذا الغريب البندقية من سالم وباغته بضړبة في رأسه جعلته يترنح وقبل ان يسقط أرضا كانت البندقية في يد الغريب الملثم ترافقه صرخات يمنى ووالدتها نجية كل هذا حدث في ثوان بسيطة. 
وضع سالم يده على رأسه يأن الما والآخر ينظر إليه من علو بظفر وانتصار قبل أن يقول بتشفي
ها ايه رأيك بقى تحب افرغها انا دلوك فيك
رمقه سالم بكره وڠضب وزوجته تندب على خديها وبجوراها التصقت يمنى تعاود البكاء فزفر الرجل الغريب بضيق وهو يردف بتعب
اسمعني كويس أنا مش هأذى بنتك ولا أضرها أنا هاخدها بس تعالجني وبقولهالك تاني اها لو عايز تيجي معاها تعالى وأنا هرجعكم قبل الفجر.
رد سالم وهو يحاول رفع نفسه عن الارض 
دا على چثتي أن اخليها تطلع الجبل اموتها احسن ولا تطلع معاك!
هدر عليه الآخر بصوت جمهوري بعد أن فقد إتزانه 
وانا بقولك هاخدها يعني هاخدها انا ياقاتل يا مقتول النهاردة.
تدخلت نجية ببنهم هاتفة بحل وسط 
طب خلاص يابني أقعد أنت هنا وأحنا هنعالجك ونطلعلك الړصاصة.
آه وتجيبولي البوليس ياخدني وانا على سريري دا أنا مأمنش أديكم ضهري!
قال الأخيرة بصړاخ فى نجية ليستغل سالم هفوته ويمسك بالبندقية ويحاول تخليصها من يده أو إسقاطه أرضا ولكنه تماسك قبل أن يسقط 
فغلت بداخله النيران ليصوب نحو سالم بالبندقية نحو صدره قبل أن يردف پغضب مكبوت 
متخلنيش أئذيك أنت راجل كبير وأنا مش عايز أيتملك عيالك يظهر ان الزوق منفعش معاكم بس انت اللى جبته لنفسك اخلصي يابت انجري جدامي
هدر الأخيرة في يمنى التي أخذت تبكي بعويل.
فصاح نحوها أبيها بټهديد ووعيد
أياك تتحركي يا بت من مكانك لاحسن اقطع خبرك.
فصړخ الرجل الملثم بصوت ۏحشي
يعنى انت بتتحداني طب أنا هاخدها من غير.... 
قطع جملته هذه المرة حيث وقع صريعا على الارض مضرجا في دمائه بعد أن تلقى ضړبة قوية على رأسه من الخلف بدون سابق إنذار.
قال سالم وقد تهللت أساريره.
تسلم ايدك يا يونس جيت في الوقت المناسب قبل ما واد المحروق ده ما ينفذ تهدديه ويسحب البت مني وقال ايه قال عايزها تعالجه قبر يلمه.
بصق يونس من فمه أرضا قبل أن يردف
معلش ياخويا ان كنت أتأخرت عليك بس أنا استنيت وأنا مداري بعد مانزلت اطمن عليك لما غبت عني قولت آخده على خوانه احسن واد الرفضي ده.
يا مري لاحسن يكون ماټ ولا حصلتله حاجة عفشة يابوي.
خرجت من يمنى بصړاخ وهي تنزل أرضا لتفحصه.
رد يونس بقرف وهو لا يبالي 
مايموت ولا يغور في داهية حتى هو احنا هنزعل عليه كمان! 
صاحت يمنى بأمل
دا لسه فيه الروح يابوي! يعني احنا ممكن نلحقه لو سرعنا بس في علاجه.
قال يونس وهو ينظر بإزدراء ناحية يمنى وهذا الغريب الملقى في الأرض چثة هامدة.
نلحق مين يابت أحنا كمان هنعالج مجرمين ياللا يا سالم ياواض ابوي شيل معايا خلينا نرميه بره البيت واد الحړام ده وأن شاء الله حتى الكلاب ياكلوه هو احنا ناقصين بلاوي .
كانت نجية وهى تهز برأسها حزنا وهي تنظر نحو الغريب الملقى على أرضية منزلها دون حراك ولا صوت ېنزف الډم من رأسه بالإضافة الى الډماء التي ټنزف من اصاپة ذراعه واغرفت جلبابه فقالت بأسى  
ياحسرة أمك عليك! كان أيه بس اللي رماك في السكة الۏحشة دي بس يابني حرام عليك يا أبو محمد دا مهما كان برضو روح.
قالت الأخيرة لزوجها الذى ظهر على وجهه التأثر فتشجعت يمنى لتبدى رأيها قائلة 
يا بويا هو من الأول كان غرضه العلاج واحنا شوفنا بنفسنا صدق كلامه من الأصابة الكبيرة اللي في دراعه خلينا نعالجه ونكسب في ثواب وبعدها ربنا يعدلها دا مهما كان برضوا روح زي ما قالت امي حتى لو كان مچرم!
صمت سالم وهو يدقق النظر في الرجل فقال بتراجع 
ايوة بس يابتي دا غريب عننيا واحنا منعرفش ايه المصاېب اللي جررها وراه قبل ما ياجي هنا عندينا وكمان كان عايز يخطفك قدامي بقلب مېت من غير ما يجدر اني راجل وعندي شرف .
تكلمت نجية برجاء 
بس دا شكله ابن ناس ياسالم وباينه عامل زي الغريق اللي بيتعلق بقشاية لما جه عشان ياخد بتك من قلب بيتنا عشان تعالجه.
هتف يونس وكانه فقد تعقله
هو انتوا بتتكلموا كيف كده بسهولة وبساطة وكأن اللي مرمي على الأرض ده شهيد ولا حد قريبكم في ايه اصحوا دا واحد مچرم ويستاهل القتل والشڼق كمان هو اللي يهجم على بيوت الناس كمان في قلب الليل يتقال عليه روح يا مرة اخوي انت وبتك
هتفت نجية ترد عليه
واه يا يونس احنا بنعمل كدة بس عشان ربنا مش عشان المخلوق حتى لو كان مايستاهلش. 
ساكت ليه أوعى تكون هتمشي مع كلام الحريم اللى مافيهاش عقل دى يا سالم !
قالها يونس بصياح فى أخيه الذى وقف حائرا بينهم لايدرى ماذا يفعل!
..... يتبع
الفصل الثالث
كيف يحدث هذا ولماذا وما الرابط الذي يجمع بينهم ليحدث!
زفرت يمنى بقوة وتهدلت أكتافها بإحباط وهي لا تجد إجابة لهذه الأسئلة التي تتكرر بعقلها كلما نظرت في هذه الورقة التي رسمتها سابقا لتلك الأعين وقارنتها بعينيه أمامها إنها تقريبا هي!
نزلت بعينيها على صفيحة وجهه