مغامرات ابناء العاصي بقلم ميادة مأمون الجزء الثاني
اختك ال يعني هما اللي كانو بيسألو عليا اوي
تيا يا بنتي مانتي عارفه احنا عندنا حظر تجول علطول وانتي يا ختي من بعد الامتحانات محدش شاف وشك
مي ما انتو عارفين اني بعد الامتحانات سافرت البلدالقريه التي تقيم فيها العائله وقعدنا حاولي شهر كده هناك
ليا ماشي بس في حاجه اسمها شات او تكلمينا في الموبايل
مي ما خلاص يا ختي انتي وهيا انا جيت اهو المهم دلوقتي مبروك يا عروسه
مي اه يا رب
ليا هههههههه واقعه واقعه يعني
غزل طب اسيبكو انا بقى تتكلمو برحتكو وانزل اسلم علي صاحبتي انا كمان اوعي تنسي يا ليا اللي قولتلك عليه
ليا لاء مش هنسي ماتخفيش
وصل بسيارته امام وكالة ابيه ترجل منها ودلف اليه وجده يجلس خلف مكتبه وصغيره يجلس علي المقعد امام
حمزه سلامو عليكو
فضالي وعليكم السلام حمدلله علي السلامه اومال اخوك مجاش ليه
حمزه انا سيبتو كان بيخلص شوية شغل وجاي ورايا هو الواد عاصي فين
عدي عاصي نايم في اوضة السطح انا طلعتله
من شوية وغزل قالتلي انه فوق ومرديش يفتحلها لما طلعتله
فضالي ايه اللي حصل يا حمزه
عدي براحه بس يا حمزه مانت عارف ابنك وعنده
حمزه يا اخي انا زهقت منهم هما الاتنين اذا كان من عند الكبير ولا الصغير
فضالي معلش اطلع بس دلوقتي غير هدومك علي بال اخوك ما يجي
تركهم ليصعد الي الاعلي وقابله عبد الرحمن الصغير امام الوكاله وحمله بين يديه
حمزه بتعمل ايه لحد دلوقتي في الشارع ياض
بوده حمزه تعالي طلع لي العجله بتاعتي كل ما اقول لعدي يزعق لي ويقولي اطلع فوق بقي
تذكر حمزه عندما كان زين صغير ويطلب منه هذا الطلب وضحك مليء فمه
بوده حاضر بس هتطلع لي العجله
حمزه ماشي يا سيدي هاطلعها ليك
وصعدو الي الاعلي وقف امام شقة والده ولم يدخل عندما رأي زوجته امامه في الداخل وسمع صوت صديقتها
اشار لها فخرجت له وصعدت خلفه الي شقتهم ودلفو اليها وصعد الصغير الي السطح ليفعل ما طلبه منه عمه
حمزه من تصرفات ابنك اللي مش عارف هو بيعاندنا ولا بيعاند نفسه
غزل طب ما تعملو ليه اللي هو عاوزه ما انتو عارفين هو بيحب البنت قد ايه
